Abaı oblysyna qarasty Aıagóz aýdany muǵalimderi zaǵıp jandardyń ómir súrý sapasyn jaqsartý úshin «Elektrondyq jetekshi» dep atalatyn qurylǵy oılap tapty, dep jazady Egemen.kz atalǵan oblys ákimdiginiń baspasóz qyzmetine silteme jasap.
Kórý qabileti nashar adamdardyń kúndelikti qaýipsiz qozǵalysyn jáne ózine degen senimdiligin qamtamasyz etetin qurylǵy ártúrli jaraqattardyń aldyn alady. Paıdalanýshynyń jolyndaǵy kedergilerdi taıaqtaǵy datchık aldyn ala anyqtaıdy, solaısha soqtyǵysýdy boldyrmaıdy. Zamanaýı taıaqtyń taǵy bir artyqshylyǵy: ornatylǵan arnaıy zýmmer datchıgi dybystyq nusqaýlar beredi jáne paıdalanýshyǵa qajetti oryndy tabýǵa kómektesetin mobıldi qoldanbalary bar.
Budan bólek, qorshaǵan ortadaǵy ártúrli nysandardy jáne basqa da mańyzdy bólshekterdi anyqtaýǵa kómektesetin kompıýterlik kórý tehnologııasy da qarastyrylǵan. Sondaı-aq qosymsha múmkindikterdi qamtamasyz etý úshin smartfondar sııaqty basqa qurylǵylarǵa qosylýǵa jáne ózara árekettestirýge bolady.
Joba avtorlary: ınformatıka páni muǵalimderi Altynaı Ibraeva, Araılym Iskakova, orys tili páni muǵalimi Aıjan Kýandekova, matematıka páni muǵalimi Danııar Nadyrbaev.