Petropavl qalasynyń polısııa qyzmetkerleri órt shyqqan úıden eki zeınetkerdi qutqardy, dep habarlaıdy Egemen.kz Polisia.kz-ke silteme jasap.
«19 qarasha kúni saǵat 11:05 kezinde Petropavl qalalyq PB patrýldik polısııa batalonynyń qyzmetkerleri Jánibek Ánýarbekov pen Qanat Baltabaev Jas órken yqsham aýdanyndaǵy jeke sektordan shyǵyp jatqan qoıý tútindi baıqap qalǵan. Inspektorlar tútinniń Ertis kóshesindegi bir-birine japsarlas salynǵan kóppáterli úıden shyǵyp jatqanyn anyqtady. Olar dereý órt sóndirý qyzmetin shaqyryp, 70 jáne 71 jastaǵy erli-zaıypty zeınetkerlerdi órtten qutqaryp, gaz ballonyn alyp shyqty. О́rt sóndirýshiler tez arada tıisti sharalar qabyldap, boljam boıynsha órttiń elektr jelilerin paıdalaný qaǵıdalaryn buzýdan paıda bolǵanyn anyqtady», delingen aqparatta.