Qazaqstan quramasy Eýro-2024 irikteý kezeńiniń sheshýshi matchynda jeńisti qoldan jiberip aldy. Degenmen, Magomed Adıevtiń komandasy týrnırdiń fınaldyq kezeńine joldama alý múmkindigin saqtap qaldy, dep habarlaıdy Egemen.kz.
Esterińizge sala keteıik, Eýro-2024 joldamasy úshin tartysta ulttyq qurama Slovenııa quramasynan jeńilip qaldy. Lıýblıanadaǵy oıyn alań ıeleriniń paıdasyna (2:1) aıaqtaldy.
Osylaısha, Danııa men Slovenııa (22 upaı) quramalary N tobynan shyqty. Qazaqstan qosymsha kórsetkishter boıynsha Fınlıandııadan (18) keıin, 18 upaımen tórtinshi orynǵa turaqtady.
Endi Qazaqstannyń Ulttar lıgasynyń pleı-off kezeńi arqyly týrnırdiń fınaldyq kezeńine ótý múmkindigi bar. Jartylaı fınalda bizdiń qurama Grekııamen, odan keıin Grýzııa-Lıýksembýrg oıynyn jeńgen quramamen oıyn ótkizedi. Eki jeńis Qazaqstannyń Eýro-2024-ke shyǵýyna múmkindik beredi.
Bul irikteý naýqanynda Qazaqstan alty jeńiske jetip, tórt ret jeńiliske ushyrady. Eýro-2024 jerebe tartý rásimi 23 qarashada Shveısarııanyń Non qalasynda ótedi.