Ahmet Iаsaýı ýnıversıtetinde I Halyqaralyq túrki álemi bıologııa kongresi oflaın hám onlaın formatta ótip, oǵan Túrkııa, Qyrǵyzstan, О́zbekstan, Grekııa, Japonııa, Úndistan, t.b. memleketterden, naqty ataǵanda barlyǵy 24 elden 150-den astam ǵalym qatysty. Bıyl alǵash ret uıymdastyrylǵan kongresti aldaǵy ýaqytta ta dástúrli túrde uıymdastyryp otyrý kózdelip otyr, dep jazady Egemen.kz.
Ashylý saltanynda ýnıversıtet rektory Janar Temirbekova sóz alyp, «Bıologııa kongresiniń alǵash ret ýnıversıtetimizde ótýi – úlken qýanysh! 24 eldiń ǵalymdary, 20-dan astam seksııa – munyń barlyǵy ońaı jumys emes. Bul – uıymdastyrýshylyq qabilet pen ýnıversıtettiń ǵylymı potensıalynyń taǵy bir aıǵaǵy. Bıologııa kafedrasynda jyl saıyn stýdentter sany da artyp otyr, sebebi – bıologııa mamandaryn daıyndaýda qarqyndy jumystar júrgizilip keledi», dedi.
Ǵylym jáne joǵary bilim mınıstrliginiń baspasóz qyzmetiniń málimetinshe eki kúnge sozylǵan kongress jumysynda qazirgi bıologııa jáne bıotehnologııa máseleleri men bolashaǵy; qurylymdyq botanıka, mıkrologııa jáne mıkrobıologııa ǵylymynyń máseleleri; ǵylymı zertteýler men bıologııalyq bilim berýdiń ınnovasııalyq tehnologııalary; bıoalýantúrlilikti qorǵaýda erekshe qorǵalatyn tabıǵı aımaqtyń róli; Qazaqstannyń bıologııa salasy zertteýleriniń qazirgi jaǵdaıy jáne t.b. máseleler ǵalymdardyń talqysyna tústi.
Halyqaralyq jıynda bıologııa salasyndaǵy birlesken jobalardy odan ári zertteý jáne júrgizý jospary naqtylandy.
Is-shara bıologııa ǵylymynyń damýyna aıtarlyqtaı úles qosyp, ártúrli elderdiń ǵalymdary arasynda bilim men tájirıbe almasýǵa yqpal etip, kongreske qatysýshylarǵa arnaıy sertıfıkattar tabystaý rásimimen máresine jetti.