Semeılik eńbek páni muǵalimi rekordtar kitabyna endi, dep habarlaıdy Egemen.kz.
"Habar 24" telearnasynyń málimetinshe, Baqytjan Shápenova "Alaman" quraq jobasyna qatysyp, 500 metrlik kórpeni tigýge óz úlesin qosty.
Saıysqa elimizdiń túkpir-túkpirinen 5 jastan 85 jasqa deıingi 200 quraqshy qatysqan. Sheberdiń qolónermen aınalysqanyna 30 jylǵa jýyqtaǵan. Ol qaladaǵy mektepterdiń birinde eńbek páninen sabaq beredi. Úıirme ashyp, oqýshylarǵa quraq kórpe tigýdi úıretip júr.
"Joba bastalyp, 9 aı boıy jumys jasalyndy. Jańaǵy avtorymyz bizge óziniń jumys dápterin jiberdi. Endi barlyǵymyzdiki bir qoldan shyqqandaı shyǵýy kerek qoı. Sondyqtan barlyǵy kelisilip jasalǵan boldy. 2,5 santımetr jolaqshadan quralyp tigilgen. 133 bloktan turady. 133 blokty qurastyrǵan kezde qoshqarmúıiz oıýy shyǵady", - deıdi muǵalim Baqytjan Shápenova.
"Buny biz qyzdar 5-synypta qyzdar bárimiz tiktik. Bul - meniń alǵashqy jumysym. О́zim tikken. Muny men anama syıladym. Bizge muǵalim úıretti", - deıdi oqýshy Dilnáz Jaqsygeldi.