Keshe Qyzylorda oblysynda avtobýs pen KamAZ soqtyǵysyp, 4 adam jaraqat aldy, dep jazady Egemen.kz.
Polısııa qyzmetkerleriniń málimetinshe, 26 qarashada keshkilik ýaqytta Qyzylorda oblysynyń Jalaǵash aýdanyna qarasty Aqqum aýyly tusynda «M-32» Shymkent-Samara tasjoly boıynda KamAZ avtokóliginiń tas tıelgen tirkemesi bosap ketip, qarsy baǵytta bara jatqan avtobýsqa soqtyǵysqan.
Avtobýs ishindegi 4 jolaýshy túrli dene jaraqatyn alyp, aýdandyq aýrýhanaǵa jetkizilgen.
Polısııa habarlamasynda: «Oqıǵa boıynsha QR QK-niń 345-baby 2-bóligimen qylmystyq is tirkelip, tergep-tekserý áreketteri júrgizilip jatyr», delingen.