Energetıka mınıstriniń keńesshisi Shyńǵys Ilııasov aýa raıynyń qolaısyzdyǵyna jáne Kaspıı qubyr konsorsıýmynda qabyldaýǵa qoıylǵan shekteýlerge baılanysty elimizdiń iri ken oryndarynda munaı óndirý kólemi kúrt qysqarǵanyn málimdedi, dep jazady Egemen.kz.
«Qazir elimizdegi iri ken oryndarynda munaı óndirý kóleminiń tómendeýi 56% bolyp otyr. Energetıka mınıstrliginde jaǵdaıdyń qansha ýaqytta qalypty jaǵdaıǵa keletini týraly derekter joq. Jaqyn arada qysqartý jáne óndiristi túzetý óz deńgeıinde qalady», dedi Energetıka mınıstriniń keńesshisi Shyńǵys Ilııasov.
Shyńǵys Ilııasov Teńiz ken ornynda táýliktik munaı óndirý kólemi de azaıǵanyn aıtty.
«Aýa raıy jaǵdaılaryna jáne Kaspıı qubyr konsorsıýmynda qabyldaýǵa shekteýlerge baılanysty Teńiz ken ornyndaǵy táýliktik munaı óndirý 39 myń tonnaǵa deıin tómendedi, buryn bul kórsetkish táýligine 84 myń tonna bolatyn», dedi Shyńǵys Ilııasov.