Ulytaý oblysynyń prokýrorlary aýrýhana býhgalterleriniń bıýdjet qarajatyn jymqyryp, óz maqsattaryna paıdalaný faktisin anyqtady, dep habarlaıdy Egemen.kz oblystyq Prokýratýranyń baspasóz qyzmetine silteme jasap.
«Prokýratýra organdarynyń qadaǵalaý qyzmetiniń basym baǵyttarynyń biri memleket múddelerin qorǵaý. Ulytaý oblysy Qarajal qalasynyń prokýratýrasymen Jáırem kentiniń aýrýhanasynda bıýdjet qarajatyn jymqyrý faktileri anyqtaldy.
Osy medısınalyq mekemeniń «B» jáne «T» býhgalterleri 2021-2022 jyldary aýrýhanada is júzinde jumys istemegen adamdarǵa («óli jandar» dep atalatyndarǵa) 5,1 mln teńgeni zańsyz aýdarǵan. Ári qaraı jymqyrylǵan qarajatty atalǵan býhgalterler óz paıdalaryna ıemdengen.
Bul fakt boıynsha prokýratýramen Qylmystyq kodekstiń 189-baby (Senip tapsyrylǵan bóten múlikti ıemdenip alý nemese talan-tarajǵa salý) boıynsha sotqa deıingi tergep-tekserý bastalǵany», jazylǵan aqparatta.
Qarajal qalalyq soty úkim shyǵaryp, Jáırem kenti aýrýhanasynyń býhgalterleri kináli dep tanylyp, olarǵa bas bostandyǵyn shekteý túrinde 2 jyl jáne 3 jyl 6 aı merzimge jaza kesilip, memleketke keltirilgen zalaldy óteý boıynsha sharalar qabyldanǵanyn habarlady prokýratýranyń baspasóz qyzmeti.