Premer-mınıstr Álıhan Smaıylovtyń «CITIC Construction» kompanııasynyń birinshi vıse-prezıdenti Iаn Szıansıanmen kezdesýi barysynda «Taldyqorǵan – О́skemen» jáne «Qaraǵandy – Balqash» respýblıkalyq avtojoldaryn kúrdeli jóndeý máseleleri talqylandy.
Úkimet basshysy atalǵan iri jobalardyń ýaqtyly aıaqtalýyn jáne sapaly oryndalýyn qamtamasyz etý qajettigin atap ótti.
«Kelesi maýsymdaǵy jumystar úshin jol-qurylys materıaldaryn, onyń ishinde qıyrshyq tas pen bıtýmdy aldyn ala daıyndaý qajet. Qosalqy merdigerlik uıymdar da osyndaı jumys júrgizýge tıis», dedi Á.Smaıylov.
Sonymen qatar Premer-mınıstr júrgizýshilerdiń qaýipsizdigin qamtamasyz etý úshin joldardy qysta kútip ustaý jumystaryn baqylaýǵa alý qajettigine de toqtaldy.
Kezdesý barysynda «CITIC Construction» kompanııasynyń Qazaqstan aýmaǵyndaǵy basqa da avtojol jobalaryna qatysý múmkindikteri, sondaı-aq kompanııanyń ónerkásip jáne aýyl sharýashylyǵy salalaryndaǵy ınvestısııalyq jobalardy iske qosý bastamalary talqylandy.
Ortalyq memlekettik organdar tarapynan tıisti jobalardy pysyqtaýda qajetti qoldaý kórsetiletini atalyp ótti.