IIM ıntımdik sıpattaǵy qyzmet kórsetetin prıtondarǵa qatysty aýqymdy tekserý jumystaryn júrgizip jatyr, dep habarlaıdy Egemen.kz Polisia.kz-ke silteme jasap.
Reıd júrgizý barysynda jezókshelikti kásip etý úshin úı-jaıdy jalǵa berýdiń 70-ten asa deregi anyqtalǵan. «Kináli tulǵalar QR ÁQBtK-niń 450-shi baby (Kórineý jezókshelikpen aınalysý nemese jeńgetaılyq úshin úı-jaılar usyný) boıynsha ákimshilik jaýapkershilikke tartyldy, onda júzden myńǵa deıinge aılyq eseptik kórsetkish mólsherinde aıyppul salý kózdelgen. 5 jeńgetaılyq faktisi anyqtaldy. Sonymen qatar jedel-profılaktıkalyq is-sharalardy júrgizý barysynda buryn jasalǵan Semeı qalasynyń turǵynynan urlanǵan 3 mln teńge aqsha urlyǵy ashyldy, onyń banktik kartasyn ıntımdik qyzmet kórsetken qyz urlap alyp, aqshalaı qarajatqa aınaldyrǵan», delingen aqparatta.
Tekserý barysynda 2005 jyldan beri habar-osharsyz ketti dep izdeý jarııalanǵan Túrkistan oblysynyń turǵyny Qulsary qalasynan din aman tabyldy. Suraý kezinde ol 16 jasynda ata-anasymen janjaldasyp úıden ketip qalǵanyn aıtty. Elimizdiń ár qalasynda tazalaýshy bolyp jumys istep, jaqyndarymen qatynasty múldem úzgen. Jeke basyn kýálandyratyn qujaty joq azamatty jergiliki polısııa qyzmetkerleri týystaryna qaıtarý sharasyn júrgizip jatyr.