Parlament Senatynyń Tóraǵasy Máýlen Áshimbaev «Ortalyq Azııa áıelderiniń dıalogy» atty halyqaralyq konferensııaǵa qatysý úshin elimizge kelgen О́zbekstan Olıı Majlısi Senatynyń Tóraǵasy Tanzıla Narbaevamen kezdesti. Qazaqstan Parlamenti ótkizip jatqan halyqaralyq konferensııaǵa qatysqany úshin T.Narbaevaǵa alǵys bildirgen M.Áshimbaev sondaı-aq О́zbekstannyń Ornyqty damý maqsattaryna qol jetkizý jolynda Parlamentaralyq yntymaqtastyqtyń ekinshi jahandyq forýmyn sátti ótkizýimen quttyqtady. Senat Spıkeri Tashkentte ótken Forýmnyń mańyzyna toqtalyp, mundaı is-shara Ornyqty damý maqsattaryna qol jetkizý, ulttyq maqsattar men mindetterdi iske asyrýda zańnamany jetildirý jáne parlamenttik baqylaý tetikterin nyǵaıtý baǵytynda Parlament depýtattarynyń birlesken jumysyn jandandyra túsetinin aıtty, dep habarlaıdy Egemen.kz Joǵarǵy Palatanyń baspasóz qyzmetine silteme jasap.
«Prezıdent tapsyrmasy boıynsha bıyl maýsym aıynda Ornyqty damý salasyndaǵy ulttyq maqsattary men mindetteriniń iske asyrylýyna monıtorıng júrgizý jónindegi parlamenttik komıssııa quryldy. Komıssııanyń jumysyna sarapshylar jáne azamattyq qoǵam ókilderi belsendi qatysyp keledi. Ornyqty damý maqsattaryn iske asyrýdyń jáne ındıkatorlardyń ulttyq júıesin jandandyrýdyń tıimdi tásilderi qalyptasyp jatyr. Álemdik tájirıbe kórsetkendeı, Ornyqty damý maqsattaryn el deńgeıinde sapaly iske asyrý Parlamenttiń osy baǵyttaǵy kún tártibine erekshe kóńil bólýine baılanysty bolyp otyr. Bul rette Qazaqstan men О́zbekstan ózara is-qımyldy arttyryp, Ornyqty damý maqsattarynyń iske asyrylýyna parlamenttik baqylaý júrgizý boıynsha tájirıbe almasýǵa mol múmkindik bar», dedi Máýlen Áshimbaev.
О́z kezeginde Tanzıla Narbaeva elimizde júrgizilip jatqan saıası jáne áleýmettik-ekonomıkalyq reformalardy joǵary baǵalady. Sondaı-aq ol Qazaqstannyń Ornyqty damý maqsattaryna qol jetkizý jolyndaǵy ustanymynyń mańyzdylyǵyna nazar aýdardy. О́zbekstan Olıı Majlısi Senatynyń Tóraǵasy birlesip áreket etýdiń bereri mol ekenin aıta kele, túrli sala boıynsha ortaq jobalardy iske asyrýǵa daıyn ekenin jetkizdi.
Kezdesý barysynda taraptar jaqynda Astanada ótken Ortalyq Azııa elderiniń áleýmettik kásipkerlikti damytý jónindegi alǵashqy quryltaıyna da nazar aýdaryp, onyń qorytyndysy boıynsha ázirlengen usynymdar aıasynda áleýmettik kásipkerlikti damytý perspektıvalaryn talqylady. Máýlen Áshimbaev áriptesin Palatanyń osy baǵyttaǵy jumysymen tanystyryp, Quryltaı Ortalyq Azııanyń áleýmettik kásipkerleriniń jemisti yntymaqtastyǵy úshin turaqty jáne tıimdi alań bolatynyna senim bildirdi.