Bas prokýratýra Qazaqstannan syrttap shekara asyp ketken zań buzýshylardy ekstradısııalaý boıynsha jumystardy jalǵastyryp, Serbııa memleketinen uıymdasqan qylmystyq toptyń bir múshesin elge jetkizdi, dep habarlaıdy Egemen.kz vedomstvonyń baspasóz qyzmetine silteme jasap.
«Qarasha aıynda «OLIMP KZ» býkmekerlik keńseciniń qyzmetimen baılanysty qylmystyq toptyń quramynda bolǵan kúdikti Germanııadan Qazaqstanǵa ekstradısııalanǵan bolatyn. Búgin Bas prokýratýra, Qarjylyq monıtorıng agenttigi jáne IIM-niń Interpol qyzmetkerleri Syrtqy ister mınıstrliginiń kómegimen onyń sybaılasyn Serbııa Respýblıkasynan ekstradısııalady. Olar 2014-2019 jyldary qylmystyq toptyń quramynda zańsyz qumar oıyndaryn ótkizýge, salyqty jáne bıýdjetke tólenetin basqa da mindetti tólemderdi tóleýden jaltarǵany, sondaı-aq qylmystyq jolmen alynǵan aqsha men múlikti zańdastyrýǵa qatysy bar degen kúdikke ilingen. Atalǵan zańsyz áreketterdiń saldarynan memleketke 86 mıllıard teńgeden astam shyǵyn keltirilgen. Osyǵan baılanysty kúdiktilerge qatysty sotqa deıingi tergep-tekserý bastalyp, keıin olar halyqaralyq izdeýge jarııalanǵan. Qylmystardy jasaǵany úshin múlkin tárkileýmen 3 jyldan 10 jylǵa deıingi merzimge bas bostandyǵynan aıyrý jazasy kózdelgeni» jazylǵan aqparatta.
Astana qalasynyń tergeý ızolıatoryna qamalǵan kúdiktini ekstradısııalaý sharasy Qazaqstan men Serbııa arasyndaǵy «Ustap berý týraly» jasasqan shart negizinde júzege asyryldy.