Mádenıet jáne aqparat mınıstrligi Arhıv, qujattama jáne kitap isi komıtetiniń tóraǵasy Qýat Borash pen «Ýzarhıv» agenttiginiń dırektory Ulyqbek Iýsýpov arhıvaralyq baılanysty nyǵaıtý, túrli zertteý jumystary úshin ózbekstandyq arhıvte múmkindik qarastyrý, qujattamalyq máselelerdi ońtaılandyrý taǵy da basqa mańyzdy máseleler boıynsha ózara kelisim qujatyna qol qoıdy, dep jazady Egemen.kz.
Jyl ótken saıyn Qazaqstan men О́zbekstan arasyndaǵy arhıvaralyq baılanys artyp keledi. Aıtar bolsaq, eki el arasyndaǵy ózara is-qımyl josparyna sáıkes Qazaqstan men О́zbekstan arasynda arhıvtik qujattardy tolyqtyrý, kitaptar shyǵarý, zertteý jumystaryn júrgizý boıynsha múmkindikter qarastyrylǵan.
Sondaı-aq «Arhıv-2025» keshendi joba aıasynda 2022 jyly elimizdegi memlekettik arhıv qyzmetkerleri 14 elge ǵylymı-zertteý jumystaryn júrgizip, ol jaqtan 7000-nan astam el tarıhyna qatysty qujat jetkizilgen kórinedi. Bul qujattar qazirgi tańda ǵylymı aınalymǵa engizilý úshin ázirlik jumystar atqarylýda. «Elimiz úshin asa joǵary mańyzǵa ıe bul ister ǵalymdar men túrli zertteýshiler úshin jańa múmkindikterge jol ashady», deıdi mamandar.
Kezdesý barysynda eki elaralyq kelisimniń mańyzy jaıly kópshilikke tanystyryp, sóz sóılegen Arhıv, qujattama jáne kitap isi komıtetiniń tóraǵasy Qýat Borash: «Memleket basshysy Qasym-Jomart Kemeluly bıylǵy jyly Astanada ótken Túrki memleketteri uıymynyń X sammıtinde sóılegen sózinde «Tarıhtan syr shertetin ortaq muraǵatty zerttep, urpaqqa aqıqatty jetkizý – bizdiń paryzymyz. Quzyrly organdarymyzǵa beımálim derekterdi birlesip zerdeleýdi tapsyrýdy usynamyz. Bul, shyn máninde, mańyzdy jumys bolmaq, sebebi ortaq tarıhymyzda áli de tolyq zerttelmegen aqtańdaqtar bar», degen tapsyrmasy bárińizge belgili. Bıyl Qazaqstan delegasııasy О́zbekstanǵa sapar jasap Ýzarhıv basshylyǵymen birlesken is-sharalar boıynsha kelisim júrgizgen bolatynbyz. Nátıjesinde búgin atalǵan kelisimdi iske asyrýdy qujat júzinde bekittik. Bul - tarıhı sát. Búgingi shara Memleket basshysy TMU otyrysynda belgilep bergen basym mindetterdiń ýaqyt ozdyrmaı alǵashqy bolyp naqty oryndalyp jatqanynyń aıǵaǵy», dedi.