Shymkent qalasynyń turǵynyn áleýmettik jeli arqyly tanysqan adam nesıe rásimdeýge májbúrlegen, dep habarlaıdy Egemen.kz vedomstvonyń baspasóz qyzmetine silteme jasap.
Polısııa departamentiniń qyzmetkerleri kúdiktini uzatpaı qolǵa túsirdi. Kúdikti ınternet arqyly tanysyp, sóılesken qyzdy «tosyn syı tartý etemin» dep kózin baılap páterge ákelgen. Artynsha pyshaq taqap, qorqytý arqyly nesıe rásimdeýge májbúrlegen. Qaskóı nesıe qarajatyn óziniń esepshotyna aýdartyp qashyp ketken. Oral qalasynan jumys isteý maqsatynda kelgen kúdikti ýaqytsha ustaý ızolıatoryna qamaldy.