«Qazgıdromet» sınoptıkteri 9-11 jeltoqsanǵa arnalǵan aýa raıy boljamyn jarııalady, dep habarlaıdy Egemen.kz.
«Aldaǵy úsh kúnde arktıkalyq antısıklonnyń áserinen respýblıkanyń basym bóliginde jaýyn-shashyn toqtap, aıaz kúsheıedi. Al atmosferalyq fronttardyń áserinen respýblıkanyń shyǵysynda qar jaýady. Qazaqstannyń ońtústik-batysynda jáne ońtústik oblystarynda jaýyn-shashyn (jańbyr, qar) saqtalady. Respýblıkanyń ońtústiginde taý bókterinde jáne taýly aımaqtarda qatty qar jaýady», delingen habarlamada.
Aýa temperatýrasy túnde soltústik-batysta 20-37 gradýs aıazǵa deıin, soltústikte 30-38 gradýs aıaz, respýblıkanyń qıyr soltústiginde 40-46 gradýs aıazǵa deıin sýytady. Ortalyqta jáne shyǵysta kúndiz 25-35 gradýs aıazǵa deıin tómendeıdi. Respýblıka boıynsha jel kúsheıip, ońtústik oblystarda tuman boljanady.