Almaty oblysynyń ákimi Marat Sultanǵazıevtiń tapsyrmasy boıynsha jaqyn arada týrısterdiń súıikti orny – Kólsaı kóli abattandyrylady, dep habarlaıdy Egemen.kz Almaty oblysy týrızm basqarmasynyń baspasóz qyzmetine silteme jasap.
Almaty oblysy týrızm basqarmasynyń basshysy Aıbar Temenov Kólsaı kólindegi týrısterdiń súıikti ornyna júrgizilip jatqan jumystar men ózgerister týraly aıtyp berdi.
«Kólsaı kóli – týrızmniń basqa nysandary sııaqty týrıster arasynda óte tanymal. Bul jerdi bizdiń otandastarymyz ǵana emes, sonymen qatar sulýlyǵymen kóz tartar kóldi sheteldik týrıster de jaqsy kóretinin atap ótkim keledi. Biz týrısterge yńǵaıly bolý úshin Almaty oblysynyń týrıstik destınasııalarynda ınfraqurylymdy jaqsartý salasynda úlken jumys júrgizip jatyrmyz», dedi ol.
Sondaı-aq Aıbar Temenov erekshe qorǵalatyn tabıǵı aýmaqtarda týrıstik soqpaqtardy jaılastyrý jobasynda Túrgen (Aıýly sarqyramasy), Talǵar shatqaly, «Tańbaly» murajaıy qoryǵy (Jambyl aýdany), «Tamǵaly tas» shatqalyndaǵy (Qonaev q.) petroglıfter, Kólsaı jáne Qaıyńdy kólderi, Saty shatqaly jáne «Muztaý» ystyq bulaqtary (Kegen aýdany) aýmaǵynda taýly jáne jaıaý soqpaqtardy jaılastyrý kózdelgenin atap ótti.
Atap aıtqanda, Kólsaı kólindegi jáne Tańbaly tas shatqalyndaǵy Ile ózeniniń úlesinde bar pırsterdi qaıta jańartý, jaıaý jáne at soqpaqtaryn bólý, tik kóterilýler men túsýlerdi baspaldaqtarmen jabdyqtaý, oryndyqtardy, qoqys jáshikteri men baktardy, fotoaımaqtary bar qaraý alańdaryn ornatý, jol kartalary, aqparat jáne fotomaterıaldary bar aqparattyq qalqandardy, onyń ishinde erekshe qajettilikteri bar adamdardy eskere otyryp, kirý tobyn, soqpaqtar boıymen jaıaý júrginshilerge arnalǵan baǵyt belgilerin, eskertý taqtalaryn ornatý, soqpaqtardy tańbalaý, shaǵyn ózender arqyly qorshaýlary bar jaıaý júrginshiler kópirlerin, jartastardy (petroglıfterdi), pırsterdi jaryqtandyrý jáne jaıaý júrginshiler joldarynyń boıynda shamdar men projektorlardy ornatý, soqpaqtar boıyndaǵy taptalǵan ýchaskelerdiń florasyn kógaldandyrý jáne qalpyna keltirý, kishkentaı týrıster úshin oıyn alańdaryn uıymdastyrý, sondaı-aq jaryqdıodty maftardy ornatý jumystary júrgiziledi.
Qazir Kólsaı kóliniń jaǵalaýyndaǵy tozǵan pırsterdi qalpyna keltirý jáne jaıaý júrginshiler jolyn jaılastyrý jumystary aıaqtalyp qaldy. Endi Kólsaı kóli odan da tartymdy, jaıly bola túspek.
Sonymen qatar Almaty oblysynyń týrızm basqarmasy týrıstik obektilerge aparatyn negizgi trassalar men joldar boıynda, sondaı-aq oblystyń 120-dan astam demalys aımaqtary ornalasqan Qapshaǵaı sý qoımasynyń jaǵalaýynda týrıstik baǵyt-baǵdar júıesin keńeıtý boıynsha jumys istep jatyr.
Tańbaly tas, Túrgen jáne Talǵar shatqaldary, Assy ústirti, «Talhız» qalashyǵy, Kólsaı, Qaıyńdy jáne Esik kólderi, Saty shatqaly, Qara Kanon týrıstik baǵyty boıynsha kórsetkishter ornatyldy. Júrgizilgen jumystardyń qorytyndysy boıynsha 42 birlik kórsetkishter men stellalar ornatyldy.
Jeńil ınfraqurylymdy damytý Qazaqstan Respýblıkasynyń týrıstik salasyn damytýdyń 2023 – 2029 jyldarǵa arnalǵan tujyrymdamasyn iske asyrý sheńberinde júrgizilip jatyr.