Qazirgi kezde Aqtóbe oblysynda qyzylshamen naýqastanǵan 207 adam aýrýhanalarǵa jatqyzyldy. Oblystyq densaýlyq saqtaý basqarmasynyń sońǵy deregi boıynsha juqpaly derttiń osy túrine shaldyqqandardyń 36-sy – eresek adamdar, 189-y – negizinen 3 jasqa deıingi sábıler.
О́ńirde qyzylshanyń órshýi qarashanyń ortasynan bastaldy. Qyzylsha kóbinese aýa tamshylary arqyly juǵyp, asqynǵan jaǵdaıda ókpeniń qabynýyna ákelip soqtyrady. Dárigerler aýrýhanaǵa túsken naýqastardyń 87%-y ekpe almaǵandar dep málimdedi.
«Jansaqtaý bóliminde jatqan tórt aılyq sábı áli qyzylsha men jelsheshekke qarsy ekpe alyp úlgermegen. Kúz aıynda taralýy qatty kúsheıgen juqpaly derttiń órshýin boldyrmas úshin 6-12 aılyq sábılerdi qaıtadan ımmýndaý qajettigi kún tártibine qoıyldy. О́ıtkeni qyzylshamen naýqastanǵan balalardyń ishinde bir jasqa deıingi sábılerdiń úlesi 35-40% -ǵa jetip otyr. Oǵan qosa 2-5 jas arasyndaǵy barlyq sábı qaıtadan qyzylsha, jelsheshek, parotıtke qarsy egilmekshi. Sondaı-aq 30 jasqa deıingi azamattar men 55 jasqa deıingi medısına qyzmetkerleri de qyzylshaǵa qarsy ekpe alady. Juqpaly dertke shaldyqqan adamnyń dene qyzýy kóbinese úsh kúnge deıin túspeıdi de, tórtinshi kúni adamnyń moıny men beti, qoly men aıaǵynda qyzyl bórtpeler paıda bolyp, ol barlyq denege jaıylady. Osy kezeńde aýa tamshylary arqyly basqalarǵa juǵý qaýpi joǵarylaıdy», deıdi oblystyń bas ınfeksıonıst dárigeri Meırambek Qurmanǵazın.
Elimizde qyzylshanyń qatty órshýine azamattarymyzdyń koronavırýstan keıin ımmýndyq júıesiniń álsireýi sebep bolǵan sııaqty. Eger úıde bir balanyń murny bitelip, dene qyzýy 3-4 kún boıy túspeı qoısa, onda sol otbasynyń barlyq múshesi 72 saǵat ishinde qyzylshaǵa qarsy ekpe alýǵa tıis. О́ıtpegen jaǵdaıda naýqaspen baılanysta bolǵan sol úıdiń barlyq adamynyń aýyryp qalý yqtımaldyǵy joǵarylaıdy.
Qarashanyń ortasynda jedel járdem qyzmetine dene qyzýy kóterilgen 30-40 adam habarlassa, jeltoqsannyń bas kúnderi táýligine 25 adamnan shaqyrtý túsip jatyr.
Qazirgi kezde Aqtóbe oblysyna 30 myń dana ekpe jetkizilip barlyq emhanaǵa taratyldy. Naýqastar kóbeıgen jaǵdaıda olardy emdeý mekemelerine jatqyzý úshin aldyn ala sharalar qabyldanyp jatyr. Máselen, oblystyq juqpaly aýrýlar aýrýhanasynda eresekterge – 219, balalarǵa – 248, júkti áıelderge 11 oryn ázirlendi. Sondaı-aq qalanyń irgesindegi «Shaǵala» shıpajaıynda qosymsha 200 oryn ashyldy.
Aqtóbe oblysy