Qazaqstanda 2021 jyldan bastap azamattar jalpyǵa birdeı deklarasııalaýǵa kezeń-kezeńimen ótip jatyr. 1-kezeńde deklarasııany memlekettik qyzmetshiler, olarǵa teńestirilgen tulǵalar men olardyń jubaılary tapsyrdy. Oblys boıynsha 1-kezeńde 36 myńnan astam jeke tulǵa deklarasııa tapsyrǵan bolatyn, dep jazady Egemen.kz.
Ekinshi kezeń 2023 jyly bastalyp, jalpyǵa birdeı deklarasııalaý júıesine (dárigerler, muǵalimder, mádenıet, pene sport salasy, jáne olardyń jubaılary) kvazımemlekettik sektor kirdi. Almaty oblysynda 128 myńnan astam adam tabys etti. Al 16 908 tulǵaǵa salyq zańnamasynda belgilengen merzimde jeke tulǵalardyń deklarasııasyn usynbaǵany týraly habarlama jiberildi, onyń ishinde 823 jeke tulǵa ákimshilik jaýapkershilikke tartyldy.
2024 jyldyń 1 qańtarynan bastap 3-kezeń bastalady. «Aktıvter men mindettemeler týraly deklarasııany» (250.00-nysan) bıznes ókilderi, ıaǵnı jeke kásipkerler men zańdy tulǵalardyń basshylary, quryltaıshylary (qatysýshylar) olardyń jubaılary tapsyrýǵa mindetti.
Sonymen qatar bul mindetteme «ÁREKETSIZ» mártebesi bar jeke kásipkerlerge jáne JShS basshylaryna (quryltaıshylaryna) da qatysty bolady. Almaty oblysynda osyndaı tulǵalardyń sany 3 693 adamdy quraıdy.
Eger de Siz joǵaryda atalǵan tulǵalar sanatyna jatatyn bolsańyz, biraq kásipkerlik qyzmetti júzege asyrmasańyz nemese toqtatsańyz, ZT nemese JK ornalasqan jeri boıynsha memlekettik kirister organyna qyzmetti toqtatý týraly salyqtyq ótinish berýge keńes beremiz.
250.00 nysandy memlekettik kirister organdaryna qaǵaz túrinde - 15 shildeden, elektrondyq túrde - 15 qyrkúıekten keshiktirmeı «Salyq tóleýshiler kabıneti» veb-qosymshasy (cabinet.salyk.kz) nemese e-Salyq Azamat, eGov mobile mobıldi qosymshalar arqyly tapsyrýǵa bolady.
Jeke tulǵalar 2024 jyly 250.00 nysanyn tapsyrǵannan keıin, 2025 jyldan bastap bul tulǵalar jyl saıyn kiristeri men aktıvteri týraly deklarasııany (270.00 nysany) tapsyrýy tıis ekenin eskerińizder.
Sonymen qatar deklarasııany birinshi ret kesh tapsyrǵan jaǵdaıda eskertý beriletinin habarlaımyz.
Bir jyl ishinde qaıtalanǵan jaǵdaıda - 15 AEK kóleminde aıyppul salynady.