Astanada Qazaqstandaǵy jazba muralardy qaıta qalpyna keltirý jáne saqtaý máseleleri talqylanǵan semınar ótti, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
«Qazaqstandaǵy jazba muralardyń restavrasııasy jáne saqtaý máseleleri» atty III Respýblıkalyq ǵylymı-tájirıbelik semınar ótti. Restavrator, qor saqtaýshy mamandardyń biliktiligin arttyrý, tájirıbe almasý jáne jańa tehnologııalardy meńgerý maqsatynda uıymdastyrylǵan semınarǵa elimizdegi arhıv, kitaphana men mýzeı qyzmetkerleri qatysyp, sheteldik mamandar vıdeobaıandama jasady. Semınarda arhıvtik qujattardy qalpyna keltirý jáne konservasııalaý, qaǵaz qujattardy qalpyna keltirýde zamanaýı jabdyqtardy paıdalaný, restavrasııalaý máseleleri týraly sheberlik saǵattary ótti», delingen aqparatta. ⠀
Qoljazbalar jáne sırek kitaptar ulttyq ortalyǵyndaǵy zerthana 2018 jyldan beri jumys isteıdi. AQSh, Ulybrıtanııa, Koreıa, Italııa, Japonııa, Almanııa elinen jetkizilgen ozyq tehnologııamen jabdyqtalǵan. Qaǵaz qujattardyń zamanaýı restavrasııalyq jańartý jumysyn júrgizetin zerthana mamandary Túrkııa, Reseı, Iran, Armenııa, Ońtústik Koreıa elderinde tájirıbeden ótti.