Qazaqstan astanasynda burynǵy úkimet jáne memleket basshylary, álemdik taldaý ortalyqtarynyń jetekshileri sııaqty bedeldi sarapshylardyń basyn qosqan halyqaralyq pikirtalas alańy - Astana klýbynyń jetinshi otyrysy ótti, dep habarlaıdy Egemen.kz.
Álemdik ekonomıka jáne saıasat ınstıtýtynyń uıymdastyrýymen klýbtyń VII otyrysy ashyldy. Bul joly otyrys «Beıbitshiliktiń jańa formýlasy: transformasııa qarsańynda» taqyrybyna arnaldy. Jıynda segiz taqyryptyq sessııa josparlanǵan. Atap aıtsaq, «Baıaýlap qalǵan» álemdik ekonomıka: fragmentasııa qaýpi jáne ony qalaı sheshý kerek? «Úlken Ortalyq Azııa: Aýǵanstan jáne aımaqtyń bolashaǵy», «Sanksııalar: Shynaıylyq arqyly tekserý», «Taıaý Shyǵys: Aımaqty ne kútedi?», «Uly bólinis: Blokalızasııa dáýiri», «Alyptar teketiresi: AQSh pen Qytaıdyń álemdik tártipte basymdyqqa ıe bolý úshin talasy», «Ýaqyt taıap qaldy: Jahandyq klımat máselesi jáne ony qalaı sheshý kerek?», «JI revolıýsııasy: Álemniń sońy, biz bul jóninde ne bilemiz?» taqyryptary talqyǵa salyndy.
Astana klýbynyń sessııalarynyń bir bóligi ádettegideı sarapshy pikirleriniń qupııalylyǵy saqtalatyn Chatham House erejesi boıynsha ótedi. Bul qaǵıda ashyq ári senimdi kásibı dıalog qurýǵa áser etedi.
Bıylǵy Astana klýbyna AQSh, Qytaı, Reseı, Ispanııa, Belgııa, Úndistan, Túrkııa, Ońtústik Koreıa, Ulybrıtanııa jáne basqa da elderden 40-tan astam spıker qatysyp jatyr.
Astana klýbynyń VII otyrysynyń qatysýshylary qatarynda:
– Hose Lýıs Sapatero, Ispanııa premer-mınıstri (2004-2011), BUU-nyń «О́rkenııetter alıansynyń» bastamashysy.
– Iv Leterm, Tıimdi logıstıka jónindegi jahandyq koalısııanyń teń tóraǵasy (GCEL), EYDU bas hatshysynyń orynbasary (2011-2014), Belgııanyń eks premer-mınıstri.
– Djeıms Lındsı, Halyqaralyq ister jónindegi keńestiń aǵa vıse-prezıdenti (CFR).
– Evan Feıgenbaým, Karnegı qorynyń vıse-prezıdenti, AQSh memlekettik hatshysy kómekshisiniń orynbasary (2006-2009).
– Edvard Lıýttvak, ENL Associates prezıdenti, Strategııalyq jáne halyqaralyq zertteýler ortalyǵynyń aǵa keńesshisi (CSIS).
– Ýrban Rýsnak, Slovakııa Respýblıkasy SIM erekshe tapsyrmalar jónindegi elshisi, Energetıkalyq hartııanyń bas hatshysy (2012-2021).
– Chon Re Kvon, Beıbitshilik salasyndaǵy Nobel premııasynyń laýreaty, Pan Gı Mýn atyndaǵy qordyń dırektory, BUU janyndaǵy klımattyń ózgerýi jónindegi úkimetaralyq sarapshylar tobynyń (KО́ÚST) múshesi.
– Pıter Frankopan, Oksford ýnıversıtetiniń álemdik tarıh professory, «Jibek joly: Álemniń jańa tarıhy» bestselleriniń avtory (2015).
– Iаn Chen, Shanhaı jahandyq basqarý jáne óńirlik zertteýler akademııasynyń basshysy (SAGGAS).
– Arıel Koen, Aǵa ǵylymı qyzmetker, Energetıka jáne qaýipsizdik baǵdarlamasynyń dırektory, Atlantıkalyq keńes.
2015 jyldan beri klýb jumysyna álemniń 40-tan astam elinen 200-den astam spıker qatysqanyn aıta keteıik.
Ártúrli jyldary Astana klýbynyń spıkerleri men hedlaınerleri qatarynda Joze Manýel Barrozý, Muhammed Ál-Baradeı, Ahmet Dáýitoǵlý, Vaslav Klaýs, Hamıd Karzaı, Djordj Frıdman, Robert Kaplan, Djeıkob Frenkel jáne basqa da ataqty saıasatkerler, sarapshylar men bıznes kóshbasshylary boldy.