Búgin 10:00 saǵattaǵy ahýalǵa sáıkes aýa raıynyń nasharlaýyna (aýa temperatýrasynyń tómendeýi, boran, kórinýdiń shekteýi) baılanysty 12 oblystaǵy respýblıkalyq mańyzy bar joldardyń 55 ýchaskesinde qozǵalysqa shekteýler engizildi, dep habarlaıdy Egemen.kz QazAvtoJol baspasóz qyzmetine silteme jasap.
– Dál qazir respýblıkalyq mańyzy bar avtojoldarda 451 birlik tehnıka men 907 jolshylar jumyldyrylyp, 626 m3 kóktaıǵaqqa qarsy materıal qoldanyldy. Júrgizýshilerdi asa qajet bolmaǵan jaǵdaıda, uzaq saparǵa shyqpaýlaryńyzdy suraımyz, – delingen habarlamada.