Almaty qalalyq Tótenshe jaǵdaılar departamentiniń pýltine 11 jeltoqsanda túngi saǵat 03.03-te Naýryzbaı aýdanyna qarasty Taýsamaly shaǵyn aýdany Sádýaqasuly kóshesindegi 125 úıdiń órtke oranǵany týraly habarlama túsken. О́rt sóndirýshiler otbasy múshelerin qyzyl jalyn ishinen aman-esen alyp shyqty, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Aǵa ınjener, kezekshi aýysymnyń basshysy, azamattyq qorǵaý kapıtany J. Áketaı ótinish berýshimen baılanysyp, jeke turǵyn úıdi qyzyl jalyn sharpyǵanynan habardar bolǵan. Oqys oqıǵa oryn alǵan jerge kelgen soń órt sóndirý basshysy úıde adamdardyń bolýyna barlaý júrgizý, sondaı-aq órtti sóndirýge oqpandardy bere otyryp, órtke qarsy is-áreket óristetý týraly buıryq bergen.
«Barlaý júrgizý barysynda bólimshe komandıri Sh. Taıpov, aǵa órt sóndirýshi J.Mamyt adamdardy tapty, olar shok kúıinde bolǵan. Kezekshi aýysymnyń naqty jáne úılesimdi áreketteriniń arqasynda otbasy músheleriniń ólimine jáne jaraqattanýyna jol berilmedi. Er adam, áıel, jigit pen eki qyz qutqaryldy. О́rt 03:24-te oqshaýlandy, 3:40-ta tolyǵymen sóndirilgeni» jazylǵan habarlamada.