Ǵalym Mámbetálıev Qurlyqtyq hokkeı lıgasynda (QHL) kúsh synasyp júrgen Astananyń «Barys» klýbynyń bas bapkeri qyzmetinen bosatyldy.
Bıylǵy maýsymnyń basynda Andreı Skabelka jasaqtaǵan komanda jeńilisten bir bas kótermedi. Sodan keıin ony Ǵalym Mámbetálıev almastyrdy. Biraq ol da jaǵdaıdy túzeı almady. Qandasymyzdyń jetekshiligimen 25 márte muz aıdynyna shyqqan «Barys» 16 ret utylyp, nebáry toǵyz kezdesýde jeńiske jetti. Bul kúnderi elordalyq klýb kósh sońynda keledi. Bul jaǵdaı komanda basshylaryn qanaǵattandyrmaǵandyqtan kúni keshe olar Mámbetálıevti ornynan bosatty. Qazir bul mindetti 58 jastaǵy qaraǵandylyq maman Oleg Bolıakın ýaqytsha atqaryp jatyr. «Barysty» ol qaı ýaqytqa deıin jattyqtyratyny taıaý kúnderi belgili bolady.
Sondaı-aq el arasynda «astanalyq komandanyń bas bapkeri bolyp 47 jastaǵy kanadalyq maman Devıd Nemırovskıdiń taǵaıyndalýy múmkin» degen de áńgime bar.