Pantone konsaltıngtik kompanııasy dástúrli úrdisine saı 2024 jyldyń basty túsin tańdady. Kompanııanyń tańdaýy bıyl ashyq qyzǵylt sary túske túsken. Olar bul tústi «shabdaly mamyǵy» (Peach Fuzz, persıkovyı pýh) dep ataýdy usyndy. Usynysty Italııanyń úzdik sán úıleri Gucci, Jil Sander jáne Sportmax brendteri qoldap otyr, dep jazady Egemen.kz.
Pantone pikirinshe, keler jyldyń basty túsi bolǵaly turǵan shabdaly reńki ishki tynyshtyqty saqtaı otyra, áleýmettik qoǵammen tereń baılanys uǵymyn ańǵartyp turmaq.
Kompanııa tańdaýyn Pantone bas dırektory Leatrıs Eısman:
«Biz qaqtyǵysqa toly ǵasyrda, qoǵamda ómir súrip jatyrmyz. О́mirimizdiń kóp tusynda kúızeliske jıi enip ketemiz. Janashyrlyq, qamqorlyq kóp qajet. «Shabdaly mamyǵy» túsi osyndaı sezimderdi sezinýge múmkindik beredi, dep túsindirdi.
Shabdaly reńki túsi beıneli túrde artyq 1-2 kg salmaq qosqanmen, adamnyń syn-symbatyn jınaqy, túr-tulǵasyn aıqyn etip kórsetedi.
Atalǵan kompanııa ár jyldyń úzdik túsin 25 jyldan beri tańdap keledi.
Aıta keteıik, 2023 jyldyń bas túsi dep ashyq qyzǵylt reńk (ıarko malınovyı, Viva Magenta) tańdalǵan edi.