16 jeltoqsan kúni keshki saǵat 20:00 shamasynda 31 jáne 51 jastaǵy eki jergilikti turǵyn Shortandy ózeni arqyly úıge baratyn joldy kesip ótýge sheshim qabyldaǵan. Saldarynan muz opyrylyp sýǵa túsip ketti, dep habarlaıdy Egemen.kz.
Tórt polısııa qyzmetkeri oqıǵa ornyna 4 mınýt ishinde keldi. Qutqarý kezinde qutqarý trostary men jıletter paıdalanyldy.
Tártip saqshylaryna tez áreket etý kerek boldy. Patrýldik polıseıler Nurlan Shýkmanov pen Rýslan Kýjahmetov muz ústimen júrip, tereńdigi shamamen 6 metrlik sýǵa sekirdi.
Olar sýǵa ketken turǵyndardy tez arada jaǵalaýǵa tartyp, qalǵan eki polısııa qyzmetkeri kezek-kezek trosty ustap turdy.
«Turǵyndardy jedel járdem alyp ketti. Olardyń jaǵdaıy turaqty. Qazir dárigerlerdiń baqylaýynda.
Polıseıler sýǵa túsken formasyn aýystyryp, qyzmetterin jalǵastyrdy», - dep jazdy IIM-nen.