Búgin Qazaqstannyń barlyq óńirindegi qolaısyz aýa raıyna baılanysty sınoptıkter eskertý jarııalady, dep habarlaıdy Egemen.kz.
Qyzylorda oblysynyń basym bóliginde kóktaıǵaq, tuman. Jel ońtústik-batystan soǵady, túnde oblystyń ortalyǵynda 15-20 m/s bolady.
Qaraǵandy oblysynyń soltústiginde, shyǵysynda jaıaý burqasyn, kóktaıǵaq. Ońtústikten, ońtústik-batystan jel soǵady, oblystyń ońtústiginde, shyǵysynda ekpini sekýndyna 15-20 metrge jetedi.
Mańǵystaý oblysynyń basym bóliginde tuman túsedi. Oblystyń soltústiginde, shyǵysynda kóktaıǵaq bolady.
Ulytaý oblysynyń soltústiginde, shyǵysynda jaıaý burqasyn, kóktaıǵaq bolady. Ońtústik-batystan, batystan jel soǵady, oblystyń shyǵysynda ekpini sekýndyna 15-20 metrge jetedi.
Aqtóbe oblysynyń batysynda, soltústiginde burqasyn, kóktaıǵaq. Ońtústik-batystan jel soǵady, kúndiz oblystyń batysynda, soltústiginde ekpini 15-20 m/s bolady.
Aqmola oblysynda burqasyn. Túnde jáne tańerteń oblystyń batysynda tuman túsedi. Ońtústik-batystan jel soǵady, túnde oblystyń ońtústiginde, shyǵysynda, kúndiz oblystyń basym bóliginde ekpini 15-20 m/s bolady.
Atyraý oblysynyń soltústiginde, shyǵysynda tuman, kóktaıǵaq.
Jetisý oblysynyń taýly aýdandarynda qar qalyń túsedi. Oblystyń soltústiginde, shyǵysynda, taýly aýdandarynda jaıaý burqasyn, tuman, kóktaıǵaq bolady. Ońtústik-batystan jel soǵady, oblystyń soltústiginde, shyǵysynda, taýly aýdandarynda ekpini 15-20, keı ýaqyttarda 23-28 m/s bolady.
Astanada 20 jeltoqsanda jaıaý burqasyn. Ońtústik-batystan jel soǵady, kúndiz ekpini sekýndyna 15-20 metrge jetedi.
Abaı oblysynyń soltústiginde, batysynda, ortalyǵynda burqasyn. Jel ońtústik-batystan soǵady, oblystyń soltústiginde, batysynda, ortalyǵynda 15-20, ekpini 23-28 m/s bolady.
Shyǵys Qazaqstan oblysynyń soltústiginde, shyǵysynda burqasyn. Jel ońtústik-shyǵystan, ońtústikten soǵady, oblystyń soltústiginde, shyǵysynda 15-20, ekpini - 23 m/s.
Almaty oblysynyń ońtústiginde, taýly aýdandarynda tuman túsedi. Batystan jel soǵady, oblystyń batysynda, soltústiginde, ortalyǵynda ekpini sekýndyna 15-20 metrge jetedi. Almatyda túnde tuman túsedi.
Batys Qazaqstan oblysynyń soltústiginde, shyǵysynda jaıaý burqasyn, kóktaıǵaq bolady. Ońtústik-batystan jel soǵady, kúndiz oblystyń soltústiginde, shyǵysynda ekpini - 15-20 m/s.
Soltústik Qazaqstan oblysynyń ońtústiginde, shyǵysynda, kúndiz oblystyń soltústiginde, batysynda, ońtústiginde burqasyn. Túnde jáne tańerteń oblystyń ońtústik-batysynda tuman túsedi. Ońtústik-batystan jel soǵady, túnde oblystyń ońtústiginde, shyǵysynda, kúndiz oblystyń basym bóliginde kúshi 15-20 m/s, kúndiz oblystyń batysynda, ońtústiginde ekpini 25 m/s bolady.
Qostanaı oblysynyń basym bóliginde jaýyn-shashyn jaýady, oblystyń soltústiginde jaýyn-shashyn (qar, jańbyr) mol túsip, burqasyn bolady. Kúndiz oblystyń soltústiginde, batysynda kóktaıǵaq. Oblystyń shyǵysynda tuman túsedi. Ońtústik-batystan jel soǵady, túnde oblystyń ońtústiginde ekpini 15-20 m/s, kúndiz oblystyń basym bóliginde 15-20 m/s, oblystyń soltústiginde, batysynda keı ýaqyttarda ekpini 25 m/s bolady.
Pavlodar oblysynyń ońtústiginde jaıaý burqasyn, ońtústik-batystan jel soǵady, ekpini sekýndyna 15-20 metrge jetedi.
Túrkistan oblysynyń taýly aýdandarynda, kúndiz soltústiginde, batysynda kóktaıǵaq. Oblystyń batysynda, ońtústiginde, taýly jáne taý bókterli aýdandarynda tuman. Oblystyń soltústiginde, taýly aýdandarynda jaıaý burqasyn. Ońtústik-batystan jel soǵady, oblystyń soltústiginde, batysynda, taýly aýdandarynda 15-20, túnde oblystyń taý asýlarynda ekpini 23 m/s bolady.
Shymkentte túnde jáne tańerteń tuman kútiledi.
Jambyl oblysynyń ońtústiginde, taýly aýdandarynda tuman, kóktaıǵaq, jaıaý burqasyn bolady. Ońtústik-batystan jel soǵady, oblystyń ońtústik-batysynda, soltústik-shyǵysynda, taýly aýdandarynda 15-20 m/s, ekpini 23-28 m/s bolady.