Shetpe aýylynyń turǵyndary qulap qalǵan shyrshany vıdeoǵa túsirip alǵan. Mańǵystaý oblystyq ishki saıasat jáne tilderdi damytý basqarmasy bul oqıǵa aýa raıynyń qolaısyzdyǵyna baılanysty bolǵanyn habarlady, dep jazady Egemen.kz.
«Shyrsha 21 jeltoqsanda ornatyldy, biraq ol áli de tolyq ornatylmaǵan edi. Keshe Shetpe aýylynda jeldiń jyldamdyǵy sekýndyna 20 metrge jetip, shyrsha qulap qaldy. Qazir ol kóterilip, qalpyna keltirilip jatyr. Aldaǵy ýaqytta osyndaı keleńsiz jaǵdaı bolmas úshin shyrshanyń negizi nyǵaıtylady. Jasandy shyrsha jańa emes, ol ótken jyly da, aldyńǵy jyly da qoldanylǵan», dep túsindirdi vedomstvodan.
Eske salaıyq, jańajyldyq shyrshanyń qulaǵan jaǵdaılary buǵan deıin de bolǵan. 2021 jyldyń qańtarynda qatty jel saldarynan Aqtaýda jańajyldyq shyrsha qulaǵan edi.