Shyǵys Qazaqstan oblysynyń TJD qyzmetkerleri bıyl 215 adamdy qutqaryp, túrli tótenshe jaǵdaılarǵa tap bolǵan 410 adamdy evakýasııalaǵan. 65 balaǵa kómekke kelgen. 32 aýyr naýqas pen qozǵalýy qıyn azamattardy tasymaldaýǵa járdemdesken. 59 janýardy qutqarǵan. ShQO TJD oqıǵalar arasynan qyzyqtylaryn atap ótti, dep jazady Egemen.kz.
«Kishkentaı kepilder»: 65 bala jabylyp qalǵan esiktiń artynda qalǵan. TJlyqtardyń ýaqytyly kómegi balalardy qıyndyqtan qutqardy. Sonymen qosa О́skemende abaısyzda avtomobıl salonynyń esigi jabylyp qalyp, onyń ishinde bir jasar bala qalyp qoıyp, anasy «112» qyzmetinen kómek suraǵan. Sondaı-aq Rıdderde qyz bala aǵashqa órmelep shyǵyp, keri túse almaı qatty qorqyp, jylap otyrǵan kezde 14-О́SB qutqarýshylary 8 metr bıiktikke kóterilip, balany qolyna alyp, jerge túsirdi. Sonymen qatar, Shemonaıha aýdanynda 28-О́SB qyzmetkerleri aýyrsyna jylaǵan balaǵa járdemdesti, óıtkeni onyń saýsaǵy bilik pen oıyn alańyndaǵy karýsel moıyntireginiń arasyna qysylyp qalǵan edi. Sondaı-aq tórt jasar balanyń saýsaǵy kir sebetiniń sańylaýyna jabysyp qalyp, TJ qyzmeti quraldardyń kómegimen balanyń saýsaǵyn bosatty.
«Ekstremaldy foto»: Rıdder qalasynda bir top dostar taýly-ormandy jerge baryp, olardyń biri ádemi kórinisti sýretke túsý úshin bıik aǵashqa órmeleýdi jón kórgen. Alaıda aıaǵy taıyp, qulap, aýyr jaraqat alǵan. 1-MО́SB qyzmetkerleri ony taýdan jedel járdem kóligine deıin zembilmen tasymaldady.
«Saqına» operasııasy: 12 aıdyń ishinde 22 adam saýsaqtarynan saqınalardy sheship tastaı almaı qutqarýshylardan kómek suraǵan. Kómek dál ýaqytyly bolǵan, óıtkeni oǵan deıin olardyń kóbi jaǵdaıdy ýshyqtyryp jibergen eken.