Atyraý oblysynda jol apatynan eki adam kóz jumyp, beseýi aýrýhanaǵa jetkizildi, dep habarlaıdy Egemen.kz oblystyq polısııa departamentiniń baspasóz qyzmetine silteme jasap.
Vedomstvo málimetinshe oqıǵa keshe bolǵan. Jylyoı aýdanynda saǵat 14:27 shamasynda Qulsary - Sarqamys tasjolynyń 4-shaqyrymy tusynda eki kólik soqtyǵysqan. Jol apatyna ushyraǵan kóliktiń biri – VAZ-2115, ekinshisi – Lada Largus.
«Eki adam oqıǵa ornynda kóz jumdy. Barlyǵy VAZ-2115 avtokóliginde bolǵan. Olar – 39 jastaǵy júrgizýshi men jolaýshy. Al Lada Largus-tiń 39 jastaǵy júrgizýshisi men 4 jolaýshysy aýrýhanaǵa jetkizildi», delingen habarlamada.
Qazir polıseıler jol apatynyń sebebin anyqtaý úshin tergeý jumystaryn júrgizip jatyr.