Qostanaı oblysynyń polıseıleri sheteldikten aqbóken múıizderin tárkiledi, dep habarlaıdy Egemen.kz Polisia.kz-ke silteme jasap.
«22 jeltoqsanda «Aqbóken» jedel aldyn alý sharasyn júrgizý barysynda Ekaterınbýrg – Almaty respýblıkalyq avtojolynda Qostanaı qalasynan shyǵa beristen oblystyq PD uıymdasqan qylmysqa qarsy kúres basqarmasynyń qyzmetkerleri jergilikti polısııa qyzmeti basqarmasynyń qyzmetkerlerimen birlesip Toyota Alphard avtokóligin toqtatty. Avtokólikti tekserý barysynda júksalǵyshtan 29 jastaǵy jolaýshyǵa, kórshi shetel azamatyna tıesili úsh jol sómkesi tabyldy. Sómkelerde aqbóken múıizi túrindegi 916 derıvat, 7,5 mıllıon teńge somasynda aqshalaı qarajat boldy. Boljam boıynsha, quqyq buzýshy memleketke shamamen 2 mıllıard teńge shyǵyn keltirdi», delingen aqparatta.
Osy derek boıynsha polısııa QR QK-niń 339-baby 3-bóligi (Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerine, olardyń bólikterine nemese derıvattaryna zańsyz qaraý) boıynsha sotqa deıingi tergep-tekserýdi bastady. Barlyq qajetti tergeý sharalary júrgizilip jatyr. Tıisti saraptamalar kesheni taǵaıyndaldy.