2023 jyly elimizdiń áleýmettik salasynda birneshe jaǵymdy jańalyq boldy, dep habarlaıdy Egemen.kz.
Qazaqstan halqynyń sany 20 mıllıonǵa jetti. Derekter bazasynyń aqparaty boıynsha, 14 qarashanyń tańǵy saǵat 8:10-da ómir esigin ashqan 5 náreste elimizdiń 20 mıllıonynshy turǵyny atandy. Sábıler Ulytaý, Jetisý, Atyraý, Aqmola, Túrkistan oblystarynda dúnıege keldi.
15 qarashada Ulttyq teńgemizge 30 jyl boldy. 1993 jyldyń 12 qarashasynda Ulttyq valıýta jaıly Zań qabyldanyp, 15 qarashadan bastap saýda-sattyq quraly retinde naryqqa engeni málim.
Aıta ketsek, «Ulttyq qor – balalarǵa» jobasy aıasynda 2024 jyldan bastap balalarǵa aqsha bóline bastaıdy. Jobaǵa 18 jasqa tolmaǵan otandastarymyz qatysa alady. Qatysýshylar aqshany baspana alýǵa nemese bilim alýǵa jumsasa bolady. Memleket shetelde oqýǵa da ruqsat berip otyr.