Air Astana áýekompanııasy 31 jeltoqsanda Astanadaǵy aýa raıy jaqsarýynyń nátıjesinde reıster kestesi birtindep qalpyna keltirilip jatqanyn málim etti. Bul týraly kompanııanyń baspasóz qyzmeti habarlady.
«Búgin saǵat 07:00-den bastap Astanadan 10-ǵa jýyq ishki jáne halyqaralyq reıster ushyp, 10 reıs ushyp keldi. Oryndalmaǵan reısterdiń jolaýshylaryn jetkizý úshin áýekompanııa Almaty men Astana arasynda eki qosymsha reıs engizdi. Esterińizge sala keteıik, 30 jeltoqsanda áýekompanııanyń 40 reısi keshikti jáne 20 reısi oryndalmady. Dýbaıda 200 jolaýshysy jáne Ystanbulda 80 jolaýshy qonaqúıge ornalastyrylyp, tamaqpen qamtamasyz etildi. Sondaı-aq satyp alý ornynda áýe bıletterin tegin qaıta brondaý jáne bılet qunyn qaıtarý usynylady», delingen aqparatta. Kompanııa basshylyǵy qolaısyzdyqqa túsinistik tanytqan jolaýshylarǵa alǵysyn jetkizdi.