Prezıdent Qasym-Jomart Toqaev «Egemen Qazaqstan» gazetine bergen suhbatynda nelikten ózin óńirlerde sán-saltanatpen qarsy alýǵa tyıym salǵanyn aıtyp berdi, dep jazady Egemen.kz.
Memleket basshysy mundaı áreketterdi qyrýar qarjy shyǵyndaý dep baǵalap, óńir basshylaryna ózin sán-saltanat, shoýmen qarsy alýdy toqtatýdy suraǵan.
«Prezıdent retinde alǵash ret el aralaýǵa shyqqanymda, ákimder saltanatty sharalar uıymdastyrýǵa, kól-kósir dastarqan jaıýǵa, bılbordtar ornatýǵa tyrysty. Qazir munyń bári tyıyldy. Men oblystarǵa jumys babymen ǵana baramyn. Ýaqyt óte kele jergilikti jerlerde de osyndaı jumys daǵdysy qalyptasatynyna senimdimin. Halyqty jınap, qyrýar qarjy shyǵyndap, saltanatty sharalar uıymdastyrý birjola toqtatylady», dedi Q.Toqaev.