«Maıqaıyńaltyn» AQ altyn kenishindegi oıyqqa túsip ketken avtobýs jolaýshylarynyń ekeýiniń máıiti tabyldy, dep habarlaıdy Egemen.kz.
«Oıyqqa qulap ketkenderdi qutqarý jumystary jalǵasyp jatyr. Avtobýstyń ózi ázirge tabylǵan joq. Opyrylyp túsken topyraq arasynan 2 adamnyń máıiti tabyldy. Olardy joǵaryǵa kóterý jumystary júrgizilip jatyr. Kásibı áskerılendirilgen avarııalyq-qutqarý qyzmetteriniń respýblıkalyq ortalyq shtaby Pavlodar fılıaly qaıtys bolǵan azamattardyń otbasylaryna qaıǵyryp kóńil aıtady. Bul qaıǵyly oqıǵa qabyrǵamyzdy qaıystyrdy», delingen atalǵan vedomstvonyń habarlamasynda.
Eske salaıyq, buǵan deıin Pavlodarda jolaýshylar mingen avtobýs oıyqqa qulap ketkenin habarlaǵan edik. Apat kezinde avtobýsta 4 adam bolǵan.