Indonezııa astanasy Djakartada qańtar aıynyń 5-18 kúnderi aralyǵynda nysana kózdeýden lısenzııalyq Azııa chempıonaty ótedi. Sportty damytý dıreksııasy málim etkenindeı, bul – jańa jyldaǵy alǵashqy lısenzııalyq jarys, dep habarlaıdy Egemen.kz.
Baıraqty básekede Parıj olımpıadasynyń 16 joldamasy sarapqa salynady, oǵan 29 eldiń 380 tańdaýly mergeni qatysady.
Atalǵan dúbirli dodaǵa attanǵan Qazaqstan quramasy sapyndaǵy 21 sportshynyń 7-eýi vıntovkada, 10-y tapanshada, 4-eýi jyljymaly nysana kózdeýde synǵa túsedi.
Ázirshe elimizdiń qorjynyna byltyr salynǵan Parıj olımpıadasynyń 3 joldamasy (Islam Satpaev, Arına Altýhova, Konstantın Malınovskıı) bar.
Nysana kózdeýde lısenzııa sportshynyń jeke ózine emes, Ulttyq federasııaǵa beriledi.