Batys Qazaqstan oblysynda iri jol apaty oryn alyp, úsh adam qaıtys boldy, dep habarlaıdy Egemen.kz.
BQO polısııa departamentiniń baspasóz qyzmeti jazǵandaı, oqıǵa 7 qańtar kúni Báıterek aýdany Iаnaıkın aýyly tusynda boldy.
«Oral-Atyraý jolynyń 62-shaqyrymynda saǵat 13.30-da «Shevrole Neksıa» avtokóliginiń júrgizýshisi rýlge ıe bola almaı, qarsy betke shyǵyp ketken. Saldarynan «Toıota Ipsým» avtokóligimen betpe-bet soqtyǵysýǵa jol bergen. Jol apaty saldarynan qos avtokóliktiń júrgizýshisi men «Shevrole Neksıada» otyrǵan jolaýshy oqıǵa ornynda qaza tapty. Máıitter sot-medısınalyq saraptamaǵa jiberildi. Oǵan qosa zardap shekkender oblystyq kópbeıindi aýrýhanaǵa jetkizildi. Atalǵan derek boıynsha QR QK 345-baby 4-bóligine sáıkes sotqa deıingi tergeý amaldary bastaldy», dep habarlady vedomstvodan.