Qoǵam damýyna serpin

Prezıdenttiń at ústinde júrgen aza­mat­tardyń árdaıym bastamashyl, naqty isi­men elge paıda ákelýi qajet degen sózi  órshil rýhty minezi bolýy kerek degen oımen úndesedi. Iаǵnı rýhty minez mańyzdy she­shimder qabyldaýda mańyzǵa ıe.

Biz Memleket basshysynyń bastamasy­men keıingi eki jylda kóptegen mańyzdy reformany iske asyryp jatyrmyz. El tarıhynda tuńǵysh ret aýyl jáne aýdan ákimderin ashyq saılaýdy bastadyq. Osyn­daı kóptegen ózgeris Qasym-Jomart Kemel­ulynyń «Halyq únine qulaq asatyn memleket» tujyrymdamasy aıasynda jú­zege asyp keledi.

Prezıdent suhbatynda atap aıtqandaı, hal­qymyzdyń qýatyn arttyrý, tabysqa jeteleý jolynda aıanbaı jumys isteıtin bolamyz. Batys Qazaqstan oblysy bul turǵyda keleli isterdi atqaratyn bolady. Halyqty alańdatatyn áleýmettik máse­lelerdi sheshý  biz úshin basty mindet bol­maq.

Osy jyly Memleket basshysynyń tap­syrmasyna sáıkes óńir ekonomıkasyn kó­terý, bilim berý, mádenıet, densaýlyq saq­taý, aýyldardy damytý salalarynda bir­qatar jobany iske asyrý josparymyzda bar.

О́tken jyldy jaqsy kórsetkishtermen aıaqtadyq. Oblysta halyq ıgiligi jolynda 17 mektep, 12 medısınalyq, 2 mádenıet, 3 sporttyq nysan ǵımarattary qoldanysqa berildi. Respýblıkalyq jáne oblystyq mańyzy bar 617 kılometr jol jóndeýden ótti. Sondaı-aq jergilikti deńgeıdegi 312 kılometr jol jóndeldi. О́ńir turǵyndary úshin 73 turǵyn úı qoldanysqa berildi. Aýyz sý máselesi de sheshimin tapty. Bıyl 47 aýylda jańa sý qubyrlary salynyp, taza aýyz sýmen qamtyldy. О́ńir eko­nomıkasyn ártaraptandyrý úshin aldaǵy 5 jyl ishinde 2,4 trln teńgege 70 ın­vestısııalyq jobany iske asyrý josparlanyp otyr. Osynyń arqasynda myńnan astam jańa jumys orny ashylady.

Memleket basshysy aýyldardy damytý, jergilikti eldi mekenderde turatyn turǵyndardyń ál-aýqatyn arttyrý bas­ty mindetimiz ekenin atap ótken bolatyn. Osynyń aıasynda «Aýyl amanaty» baǵdarlamasy boıynsha 2023 jylǵa respýblıkalyq bıýdjetten oblysymyzǵa 6,4 mlrd teńge kredıttik qarajat bólindi. Qazirgi tańda baǵdarlama aıasynda óńir boıynsha ótinish bildirgen 934 azamatqa 6,2 mlrd teńge nesıe berildi. Berilgen qara­jat aýyldyq aımaqtarda turyp jat­qan isker azamattardyń kásibin damytýǵa kómek beredi.

Qazirgi tańda oblysta 270 aýylsharýa­shylyq kooperatıvteri jumys isteıdi. So­nyń ishinde ótken jyly 49 jańa koo­peratıv ashylyp, «Aýyl amanaty» baǵdarlamasy aıasynda jeńildetilgen nesıege qol jetkizdi.

Prezıdenttiń tapsyrmasy aıasynda ótken jyly elimizde aýyldyq aımaqtardy damytýdyń 2023-2027 jyldarǵa arnalǵan tujyrymdamasy qabyldandy. Qujat aıasynda óńirde halyqty qaladan aýyldyq jerlerge kóshirý baǵdarlamasyn iske asyratyn bolamyz. Bul baǵdarlama Pre­zı­dent suhbatynda atap kórsetkendeı, aza­mattardyń ál-aýqatyn kóterýge baǵyt­ta­latyn bolady.

Keıingi jyldary halyqtyń aýylǵa kóshý úrdisi baıqalyp tur. Keıingi 3 jylda aýyldyq jerlerge 3 616 adam qonys aýdarǵan. Qaladan aýylǵa kóshý – kezinde aýyldan kóship ketken azamattar aýylǵa qaıta oralyp, óz isin ashyp, qasıetti qara shańyraqty qaıta túletedi degen sóz.

Biz aýylǵa kóship baramyn degen azamat­tar­ǵa óz tarapymyzdan memlekettik baǵ­darlamalardy paıdalana otyryp jáne jergilikti bıýdjettiń múmkindikterin eskere otyryp barynsha qoldaý bildiremiz. Sonyń biri aýyldyq jerlerge barǵan dári­ger­lerge 2,5 mln teńgeden 5 mln teń­gege deıin qarjylaı kómek kórsetildi. Alda­ǵy jyldarda bul qarajattyń kóle­min 5 mln teńgeden 8 mln teńgege deıin kóbeıtýdi josparlap otyrmyz.

Budan bólek, óńirde «Otbasy bank»-pen birlese 35 jasqa deıingi jastarǵa jeńil­detilgen nesıe berip, olardy turǵyn úı­men qamtamasyz etý jumystaryn qolǵa alyp otyrmyz. «Otbasy bank» arqyly turǵyn úı alýǵa 600 mln teńge kóleminde qarajat bólindi. Osynyń aıasynda 40 jas otbasyny baspanamen qamtý josparlanyp otyr. Oblysta osyndaı mańyzdy bastamalar aldaǵy ýaqytta da jalǵasady.

Prezıdent suhbatta búginge deıingi jetistikterdi oı eleginen ótkizip, aldaǵy maqsat-mindetterge barynsha nazar aýdarǵan. Barlyq deńgeıdegi sheneýnikter men basshylar qoǵamnyń tamyryn tap basa bilýge, azamattardyń muń-muqtajyn tyńdap-túsinýge, soǵan sáıkes der kezinde nátıjeli sharalar qabyldaýǵa jáne durys sheshim shyǵarýǵa qabiletti bolýy kerek. Bul – eń basty talap. «Olar «adam memleket úshin emes, memleket adam úshin» degen qaǵıdatty berik ustanýǵa tıis», dedi Prezıdent.

Memleket basshysy aıtqandaı, halyq ıgiligi jolynda sheshim qabyldaýdan qoryqpaı, barshamyz elge paıdasy tıetin naqty jumystardy atqarýymyz qajet. Prezıdent suhbatyndaǵy baǵyttar qoǵam­nyń damýyna serpin beretini anyq. Son­dyqtan Ádiletti Qazaqstandy qurý jo­lynda Prezıdent kórsetken basym ba­ǵyttar aıasynda jumysty jalǵas­ty­ratyn bolamyz.

Narıman TО́REǴALIEV,

Batys Qazaqstan

oblysynyń ákimi