Saldarymen emes, sebebimen kúresý tıimdi

«Qalany ózim talaı arala­ǵan­myn. Sonda esirtkini qaı­dan alýǵa bolatyny týraly bel­gi­ler­di jol boıyndaǵy nysandardan, kópqabatty úılerdiń qa­byr­ǵalarynan kóp kórdim. Munyń aldyn almasa bolmaıdy. Negizinen sıntetıkalyq esirt­kini bir jerde jasaıdy. Ol qa­la ishindegi nemese syrtynda or­na­las­qan jasyryn zerthana bolýy múmkin. Esirtki daıyndaıtyn oryn kezinde Túlkibas aýdanynda da anyqtalǵan edi. Jalpy, tek qabyrǵadaǵy belgilermen esirtki taýyp, tutynyp júrgen táýeldi azamattardy ustaı bermeı, olardy taratýshylardy, qoımalardy, zerthanalardy, ol jerge shıkizat qaıdan kelip jatqanyn anyqtap, naǵyz kinálilerdi jazaǵa tartý kerek. Polısııanyń jedel áreket etý qyzmeti men ákimshilik polısııa jumysyn kúsheıtý qajet. Esirtkige qarsy kúres polısııa­nyń, qala ákimdiginiń basty min­deti bolýǵa tıis. О́ıtkeni adamdy sanasynan aıyratyn psıhotrop­ty zat qoǵam, ásirese jastar úshin óte qaýipti», dedi B.Najmetdınuly.

«Qylmystyń kóbirek ashyl­ǵany jumystyń júrip jatqanyn kórsetpeı me?» degen suraqqa depýtat: «Kórsetkishtiń ósýi qalaǵa kelip jatqan esirtki sanynyń artqanyn bildiredi. Bul jerde saldarmen kúrespeı sebebin anyqtap, kórsetkishtiń ósýine jol bermeý maqsatynda aldyn alý sharalaryna kóp kóńil bólý kerek», dep jaýap berdi. Sonymen birge ǵımarattardaǵy esirtkige qalaı qol jetkizýge bolatyn jazba belgilerdi anyqtaý polısııanyń emes, kommýnaldyq qyzmet sala­synyń jumysy bolý kerek degendi aıtty. 

Májilis depýtaty óz sózinde qu­qyq qorǵaý salasyna qomaqty qarjy bólinip jatqanyn málim­dedi. Máselen, 2012 jyly megapolıs áli enshisin almaı turǵan kezde Ońtústik Qazaqstan oblysy polısııa departamentiniń bıýdjeti 11 mlrd teńge bolsa, osy kúnde bir ǵana Shymkenttiń quqyq qorǵaý qyzmet salasyna 20 mlrd teńgeden astam qarjy bólinedi. Sonymen birge halyq qalaýlysy 1 mln 200 myńnan astam halyq turatyn megapolıste basqa da zań buzýshylyq túrleriniń aldyn alý kerektigin eske túsirdi. «Aıtalyq, zańsyz kólik tasymaly. Byltyr Túr­kis­tan oblysynyń Báıdibek aýdanyna qarasty Shaıan aýylyna bara jatqan jolda jolaýshylar kóligi órtenip ketip, 9 adam kúıikten qaza bolǵan. Osyndaı jaǵdaılar qaıtalanbas úshin zańsyz kólik tasymalyn retteý qajet», dep málimdedi depýtat.

Sondaı-aq Májilistiń taǵy bir de­pýtaty Danabek Isabekov «Amanat» partııasynyń Shymkent­tegi saılaýaldy baǵdarlamasy aıasynda salynyp jatqan Oqýshylar saraıynyń qurylys jumysymen tanysty.

Merdiger mekeme – «BI-Global» seriktestigi. 500 orynǵa arnalǵan ǵımarat bıyl naýryz aıynda paıdalanýǵa berilýge tıis edi. Qurylys nysanynyń jalpy quny – 9,5 mlrd teńge. Jergilikti bıýdjetten 1 mlrd teńgege jýyq qarjy bólindi. Kompanııa óziniń 3 mlrd teńge qarajatyna biraz qurylys jumystaryn júrgizdi. Alaıda ári qaraı qarajattyń der kezinde túspeýinen nysannyń qurylysy toqtap qalǵan edi. Osy oraıda depýtat qarjy máselesin sheship berýge ýáde berdi. О́z kezeginde merdiger kompanııa da jyl aıaǵyna deıin ǵımaratty tolyq salyp bitirýge ýaǵdalasty.

«Partııanyń saılaýaldy baǵ­dar­lamasyndaǵy úlken basym­dyqqa ıe baǵyttardyń biri – bilim salasy. Baǵdarlamada jańa Oqýshylar saraıy, jas tehnıkter stansasy, balalar tehnoparki, mýzyka, óner mektepteri boı kóteredi dep kórsetilgen. Ár bala sport seksııasyna, shyǵarmashylyq stýdııaǵa, tehnıkalyq úıirmege te­gin qatysýǵa quqyly. «Art sport» baǵdarlamasy da jalǵa­sa­dy. Jalpy, Shymkent sekildi mıllıon­nan astam halqy bar megapolıste Oqýshylar saraıy kóp bolýǵa tıis dep esepteımin. Onyń ústine búgingi tańda shahar bala týý kórsetkishi boıynsha óńirler arasynda joǵary nátıje kórsetip keledi. Al Turan shaǵyn aýdanynda salynyp jatqan Oqýshylar saraıy balalar men pedagogter úshin ınnovasııalyq alańǵa aınalady degen úmittemin. Jastar bolashaq mamandyǵyn óz qalaýymen tańdaı alatyn, kreatıvti, belsendi ári azamattyq ustanymy bıik bolýǵa tıis. Bilimdi jastar – eldiń zııatkerlik áleýeti. Biz osyny umytpaýymyz kerek», dedi Májilis depýtaty.

ShYMKENT