2-8 qańtar aralyǵynda Aýstralııa memleketindegi Ballarat qalasynda álemdik jarys − Virtus Cycling World Series 2024 ótti, dep habarlaıdy Egemen.kz Týrızm jáne sport mınıstrliginiń baspasóz qyzmetine silteme jasap.
Aýstralııanyń velosport Federasııasynyń (AusCycling) jáne Sport Inclusion Australia-nyń birigýimen búkil álemniń myqty velosıpedshileri jınaldy. Para cycling chempıonaty World Cycling Series-ke kiredi, oǵan 62 paraatlet qatysty. UCI Para-cycling klasstary dene, kóz, ıntellektýaldy buzýshylyqtary bar, sondaı-aq estý buzýshylyqtary bar sportshylar da baǵyn synaı alady.
Qazaqstannan aýtıstik spektr ereksheligi bar «Intellektýaldyq buzylýy bar adamdarǵa arnalǵan sport federasııasy» RQB-niń paraatleti Dastan Ordabaı qatysty. Dastan II-3 (zerdesi zaqymdalǵan) sanat boıynsha 18,8 km qashyqtyqtaǵy jeke jarysta ýaqytqa (Time trial) jáne 5,5 km qashyqtyqta krıterıýmge (Criterium) qatysty.
«Dastan Ordabaı óz eline eki altyn jeńip, tuńǵysh azııalyq aýtıst sportshy atanyp, el sportynyń mereıin asyrdy», dedi «Intellektýaldyq buzylýy bar adamdarǵa arnalǵan sport federasııasy» RQB-niń Prezıdenti Dına Temirǵalıeva. Jarys Aýstralııanyń Virtus uıymyna múshe velosport federasııasymen (AusCycling) jáne Sport Inclusion Australia birlesip uıymdastyrylyp, UCI baqylaýymen ótkizildi.