Sý resýrstary jáne ırrıgasııa mınıstrligi «Qazaqstan Ǵarysh Sapary» Ulttyq kompanııasymen birlesip sý resýrstarynyń biryńǵaı aqparattyq júıesin ázirleý boıynsha jumys júrgizip jatyr, dep habarlaıdy Egemen.kz.
Vedomstvo málimetinshe atalǵan júıede elimizdegi sý sharýashylyǵy nysandarynyń jaı-japsary týraly barlyq aqparat jınaqtalady.
Sondaı-aq júıe sý resýrstarynyń tutynýshyǵa deıin bólinýin jáne paıdalanylýyn baqylaýǵa múmkindik beredi.
Sý resýrstaryn sıfrlandyrýdyń óte mańyzdylyǵyn aıtqan sala mınıstri Nurjan Nurjigitov: «Qazirgi ýaqytta elimizdiń birneshe oblysynda ırrıgasııa jelilerin sıfrlandyrý boıynsha jumys júrgizilip jatyr. Aldaǵy ýaqytta sıfrlandyrý elementterin jalpy aqparattyq júıege ıntegrasııalaý josparlanyp jatyr», dedi.