Qarjy mınıstrliginiń memlekettik kirister komıteti avtokólik júrgizýshileri 2023 jyl úshin kólik salyǵyn 1 sáýirge deıin tóleý kerek ekenin eskertti, dep jazady Egemen.kz.
«Jeke tulǵalardyń 2023 jyl úshin kólik salyǵyn tóleý merzimi 2024 jylǵy 1 sáýirde aıaqtalady. Salyqty esepteý kezinde 2023 jyly qoldanysta bolǵan 3 450 teńge mólsherindegi aılyq eseptik kórsetkish qoldanylady», delingen komıtet habarlamasynda.
Kólik ıeleri tóleý tıis salyq mólsherin kgd.gov.kz portaly men «e-Salyq Azamat mobıldi qosymshasyndaǵy salyq kalkýlıatoryn qoldanyp derbes esepteı alady.
Júrgizýshi tóleý tıis naqty salyq sommasy ekinshi deńgeıli bank qosymshasyna PUSH-habarlama túrinde jiberiledi.
Jeke tulǵalardyń kólik salyǵyn bankterdiń mobıldi qosymshalarynda tóleýge bolady. Sonymen qatar jeke tulǵalar salyqty ekinshi deńgeıli bank bólimshelerinde nemese tólem termınaldarynda qolma-qol aqsha, bankomattar men tólem termınaldarynda bank kartalary arqyly tóleı alady.