«Ashyq NQA» portalynda «Nazarbaev Zııatkerlik mektepteri» derbes bilim berý uıymynda daryndy balalardyń oqýyna aqy tóleýge arnalǵan Prezıdenttiń «О́rken» bilim berý grantyn taǵaıyndaý qaǵıdalary men mólsherlerin bekitý týraly» Oqý-aǵartý vedomstvosynyń buıryǵyna ózgeris engizýdi kózdeıtin buıryq jobasy jarııalandy, dep habarlaıdy Egemen.kz.
«Granttyń mólsherleri:
1) jataqhanada turýdy eseptemegende, kúntizbelik jylǵa 2 349 191 (eki mıllıon úsh júz qyryq toǵyz myń júz toqsan bir) teńge;
2) jataqhanada turýdy eseptegende, kúntizbelik jylǵa 3 247 305 (úsh mıllıon eki júz qyryq jeti myń úsh júz bes) teńgeni quraıdy», delingen atalǵan buıryq jobasynda.
Al qoldanystaǵy buıryq jobasynda jataqhanada turý aqysyn eseptemegendegi jyldyq grant quny 2 150 208 teńge, jataqhanada turý baǵasyn qosqandaǵy jyldyq grant quny 3 036 859 teńge bolǵan.
Buıryq jobasy 29 qańtarǵa deıin qoǵamdyq talqylaýda bolady.