Indonezııanyń Flores aralyndaǵy Levotobı Lakı-lakı janartaýynyń atqylaýyna baılanysty 6 myńnan astam adam qaýipsiz jerge kóshirildi. Jergilikti bılik joǵarǵy deńgeıdegi tótenshe jaǵdaı jarııalady, dep habarlaıdy Egemen.kz.
The Associated Press agenttiginiń habarlaýynsha, Flores aralyndaǵy Levotobı Lakı-lakı janartaýynyń atqylaýyna baılanysty Indonezııada 6,5 myńǵa jýyq adam evakýasııalandy. Birneshe kúnnen beri taýdyń kraterinen sur-qońyr kúldiń qalyń baǵanasy kóterilip jatyr. Ázirge atqylaýdyń saldarynan eshkim zardap shekken joq.
Frans Press agenttiginiń habarlaýynsha, Flores aralynda janartaý belsendiliginiń kúsheıýi birneshe aptaǵa sozylǵan. Jergilikti bılik joǵary deńgeıde tótenshe jaǵdaı jarııalap, turǵyndarǵa janartaýdan tórt-bes shaqyrymdaı qashyqta júrý usynyldy. Aınaladaǵy eldi-meken turǵyndary týystarynyń úıinen jáne ýaqytsha evakýasııalaý ortalyqtarynan baspana tapty.
Aıta keteıik, Indonezııa janartaý belsendiligi joǵarylaǵan Tynyq muhıttyq órt saqınasynda ornalasqan. 270 mıllıon halqy bar elde 120 belsendi janartaý bar. Indonezııada da jer silkinisi jıi bolyp turady.
Qańtar aıynyń basynda Indonezııanyń Sýmatra aralynda Marapı janartaýy qaıtadan oıandy. Ol jeltoqsan aıynda atqylap, 23 adamnyń ómirin qıdy.