Ál-Farabı atyndaǵy Qazaq ulttyq ýnıversıtettiń 90 jyldyq mereıtoıy aıasynda ýnıversıtet bazasynda hımııalyq galvanıkalyq qaptamalar shyǵaratyn Chemical Coating innovations ǵylymı-óndiristik ortalyq ashyldy, dep jazady Egemen.kz.
Joba Ǵylym jáne joǵary bilim mınıstrligi Ǵylym qorynyń qarjylaı qoldaýymen júzege asyp otyr. Munda mashına jasaý jáne tehnıkalyq qural jasaý qajettilikteri, sondaı-aq kádesyılar men zergerlik buıymdar óńdelip, arnaıy galvanıkalyq qaptamalar shyǵarylatyn bolady.
Ortalyqtyń ashylý rásimine qatysqan Ǵylym jáne joǵary bilim vıse-mınıstri Darhan Ahmed-Zakı ǵalymdardyń jumysyna sáttilik tilep, otandyq ǵylymdy damytýda zamanaýı óndiristerdi damytýdyń mańyzdy ekenin jetkizdi.
Ál-Farabı atyndaǵy QazUÝ-dyń basqarma tóraǵasy-rektor Janseıit Túımebaevtyń aıtýynsha, galvanıkalyq qaptamalar ónimniń qyzmet etý merzimin uzartady. Iаǵnı, bul óndirýshige de, tutynýshyǵa da tıimdi ári tat basýdan qorǵaýdyń jańa ádisi bolyp tabylady. Jańa ortalyqta óndiris tehnology jáne operatory mamandary daıarlanatyn bolady.
О́ndiristiń materıaldyq-tehnıkalyq bazamen tanystyrý barysynda joba jetekshisi, Chemical Coating innovations ǵylymı-óndiristik ortalyǵynyń jetekshisi Alına Galıeva «Búginde elimizde elektrohımııalyq qaptamalardy jasaý qarqyndy damyp keledi dep aıta almaımyz. Mundaı ǵylymı-óndiristik ortalyqtar is júzinde joq. Elektrohımııalyq qaptamalardyń sapasy joǵary ári jáne tájirıbedegi qoldanysy óte tıimdi. Qazirgi ýaqytta bizdiń ortalyqta myryshtaý, nıkelmen qaptaý jáne mys óńdeý jelileri ornalasqan qoıma bar. О́ndiris jylyna on myńdaǵan sharshy metr qaptamalar alýǵa múmkindik beredi» dep atap ótti. Aldaǵy ýaqytta josparǵa sáıkes osy ortalyqta ártúrli agressıvti ortadan qorǵaıtyn qaptamalar jáne qoldaný tehnologııalaryn ázirleý jumystary iske asatyn bolady. Joba ónerkásip sektorynyń naqty suranysy negizinde júzege asyp otyr.