Atyraý oblysynda 63 jastaǵy er adam ózin-ózi órtep jiberdi. Sonyń saldarynan denesiniń 81 paıyzyn kúıik shaldy, dep habarlaıdy Egemen.kz Kazinform-ǵa silteme jasap.
Atyraý oblystyq polısııa departamentiniń baspasóz qyzmeti habarlaǵandaı, oqıǵa Maqat aýdanynda bolǵan.
«Maqat aýdandyq polısııa bólimine Dossor kentiniń B.Aımaǵambetov kóshesindegi turǵyn úıdiń janynda er adamnyń órtengeni týraly habar tústi. Polısııa qyzmetkerleri 1961 jyly týǵan er adam ózin-ózi órtegenin anyqtady», dep habarlady departamenttiń baspasóz qyzmeti.
Belgili bolǵandaı, ózine órt qoıǵan er adam bıyl zeınet jasyna tolady eken. Biraq onyń mundaı oqys qadamǵa ne úshin barǵany belgisiz.
Oblystyq densaýlyq saqtaý basqarmasynyń baspasóz qyzmeti málim etkendeı, ózin-ózi órtegen adam 14 qańtarda keshki saǵat 20:15-te Atyraý oblystyq aýrýhanasynyń qabyldaý bólimshesine jetkizilgen.
«Dárigerler er adamnyń densaýlyq jaǵdaıyn jiti tekserdi. Qazir naýqas jansaqtaý bóliminde jatyr. Onyń jaǵdaıy aýyr, denesiniń 81 paıyzyn joǵary kúıik shalǵan», dep málim etti basqarmanyń baspasóz qyzmeti.