Elena Rybakına Aýstralııa ashyq chempıonatynyń ekinshi aınalymyna shyqty, dep habarlaıdy Egemen.kz Qazaqstan tennıs federasııasynyń baspasóz qyzmetine silteme jasap.
Qazaqstan tennısshisi kezinde álemdik reıtıngide kósh bastaǵan, qazir reıtıngide 38-orynda turǵan chehııalyq, 31 jastaǵy tájirıbeli Karolına Plıshkovamen kezdesti.
Birinshi partııada Karolına breık jasap, 2:0 esebimen alǵa ketkenimen, Elena tarazy basyn teńestire aldy.
Taı-breıkte de chehııalyq sportshy 6:3 esebimen alǵa shyǵyp, tórt birdeı setbolyn paıdalana almady. Rybakına qatarynan bes dopty ózine jazdy — 7:6 (8:6).
Ekinshi sette esep 1:1 bolǵan mezette otandasymyz breıkpen alǵa ozdy— 2:1. Aldaǵy ýaqytta da óz múmkindigin qalt jibergen joq — 6:4.
Elena Rybakına ekinshi aınalymda álemniń 57-raketkasy, reseılik Anna Blınkovamen sheberlik baıqasady.