Nuqsany bar nyspy: Qujatta qate jazylǵan aty-jóndi ózgertýge kedergi joq

Ne desek te, oǵash esimi, tegi adamnyń kóńilinen shyqpaıtyn jaǵdaılar kezde­sedi. Mundaı jaǵdaıda qaıda barýǵa bolady desek, osynyń jaı-japsaryn Almaty qalasy Ádilet departamentiniń ókilderi О́ńirlik kommýnıkasııalar qyzmetiniń brıfınginde túsindirdi.

Almaty qalalyq Ádilet departamenti basshysynyń orynbasary Záýresh Sáthojına «Neke (erli-zaıyptylyq) jáne otbasy týraly» Qazaqstan Respýblıkasynyń kodeksine ózgerister men tolyqtyrýlar engizýge baılanysty mundaı ózgerister týý, nekege turý nemese nekeni buzý týraly jazbalardaǵy atyn, ákesiniń atyn, tegin ózgertý týraly qorytyndy negizinde jasalynatynyn atady.

Endigi jerde burynǵydaı aty-jónin ózgertý týraly akt jazbasy tirkelmeıdi jáne atyn, ákesiniń atyn, tegin ózgertý tý­raly kýálik berilmeıdi. Qu­jattardy tirkeýshi organdar atyn, ákesiniń atyn, tegin aýys­tyrǵanyn rastaý úshin týý, nekeni qııý jáne buzý týraly tıisti kýálik beredi. Atyn, ákesiniń atyn, tegin aýystyrý týraly ótinishti Neke-otba­sy zańnamasyna sáıkes, Qazaq­stannyń shetelderdegi mekemesi jáne tirkeýshi organdar qaraıdy. О́tinishti 16 jastan asqan azamattar bere alady, kámeletke tolmaǵandar úshin ata-anasynyń qaty­sýy talap etiledi.

Tirkeýshi organdar aza­mat­tar­dyń esimin, ákesiniń atyn, tegin aýys­tyrýdy on alty jasqa tolǵan, atyn jáne ákesiniń atyn nemese tegin aýys­tyrǵysy keletin adam­nyń jeke ótinishi boıynsha júr­gizedi. Atyn, ákesiniń atyn, tegin ózgertý ne túzetý úshin Qazaq­stan aýmaǵyndaǵy kez kelgen tir­keýshi organǵa (AHAT) ótinishpen júgi­ný qajet, sondaı-aq «Azamattarǵa arnal­ǵan úkimet» memlekettik korporasııasy KeAQ-ǵa ótinishti «elek­tron­d­yq úkimet» portaly arqyly elektron­dyq nysanda jiberýge bolady.

Azamattarymyz esimi, ákesiniń aty, tegi ózgergennen keıin bir aı ishinde jeke kýálik pen pasportty ózgertýi qajet. Qys­qasy, adam tegin, atyn, ákesiniń atyn óz­gertý úshin olardyń óz qalaýy jetki­liksiz. Buǵan qosa qujat­tarynda joǵary­da atalǵan dá­leldi sebepterdiń bireýiniń bolýy shart.

ALMATY