Sońǵy birneshe jylda alǵash ret talapkerler eń kóp tańdaıtyn beıindik pánder kombınasııasy ózgerdi. Talapkerlerdiń 18,4%-y «Bıologııa-Hımııa» pánderin tańdady. Bul beıindik pánder kombınasııasymen talapkerler medısına, pedagogıka, aýyl sharýashylyǵy, veterınarııa jáne taǵy basqa baǵyttarǵa oqýǵa túse alady, dep habarlaıdy Egemen.kz Ulttyq testileý ortalyǵynyń baspasóz qyzmetine silteme jasap.
Sonymen qatar alǵashqy bestikte «Matematıka-Fızıka» – 16,9%, «Matematıka-Informatıka» – 11,7%, «Shet tili-Dúnıejúzi tarıhy» – 9,4% jáne «Shyǵarmashylyq emtıhan» – 9,3% bar.
О́tken jylǵy málimetterge súıenetin bolsaq, top-5 tańdaý ózgergen joq. Degenmen 2023 jylǵy qańtar UBT-synda talapkerlerdiń eń kóp tańdaǵan kombınasııasy «Matematıka-Fızıka» – 19,2% boldy. Ekinshi orynda «Bıologııa-Hımııa» – 18,6%, ári qaraı «Shyǵarmashylyq emtıhan» – 10,2%, «Matematıka-Informatıka» – 10% jáne «Shet tili-Dúnıejúzi tarıhy» – 8,7%.
«UBT-daǵy eń tanymal kombınasııany «Bıologııa-Hımııa» dep ózgerý talapkerler arasynda medısınalyq jáne aýylsharýashylyq mamandyqtarynyń basym tańdaýǵa ıe bolǵandyǵyn kórsetedi. Sońǵy birneshe jylda UBT-nyń barlyq kezeńderinde talapkerler ınjenerlik, qurylys, pedagogıkalyq jáne basqa da mamandyqtarǵa túsýge múmkindik beretin «Matematıka-Fızıka» kombınasııasyn kóp tańdady. Osy kombınasııada mamandyq tańdaý múmkindigi de kóbirek, sonymen qatar granttar alý yqtımaldyǵy joǵary. Osyǵan qaramastan, 2024 jyly talapkerlerdiń 18,4%-y «Bıologııa-Hımııa» pánderin tańdaýdy jón kórdi», dedi Ulttyq testileý ortalyǵynyń dırektory Rýslan Emelbaev.
Esterińizge sala ketsek, qańtar aıynda ótetin UBT bastaldy, ol 10 aqpanǵa deıin jalǵasady. 136 myń adam UBT-ǵa qatysýǵa ótinish berdi.