Nysana kózdeýden Indonezııa astanasy Djakartada Azııa chempıonaty aıaqtaldy. Sheshýshi kúni mergender taǵy júldeli bolyp, el qorjynyna 3 kúmis júlde saldy, dep habarlaıdy Egemen.kz qaz_olympics ınstagram paraqshasyna silteme jasap.
Aralas qarqynda qozǵalatyn jyljymaly nysana kózdeýde (10 metr) Fatıma Irnazarova kúmis júldeger atandy. Ol jarysta 361 upaı jınady. Al erler arasynda Asadbek Nazırkýlev jeńis tuǵyrynyń 2-satysyna kóterildi. Ol 377 upaı jınap, óziniń jeke rekordyn tirkedi.
Komandalyq saıysta Andreı Hýdıakov, Ilıa Zoteev, Asadbek Nazırkýlev úshtigi ekinshi oryndy jeńip aldy.
Qazirgi ýaqytta Qazaqstan quramasynda 4 altyn, 5 kúmis, 5 qola bar. Munda Aleksandra Le (vıntovka) jáne Nıkıta Chırıýkın (tapansha) Qazaqstan quramasyna Parıj Olımpıadasynyń lısenzııasyn alyp berdi. Qazirgi ýaqytta mergender enshisinde 5 joldama bar.