Taldyqorǵan qalasyndaǵy «Jastar» sport kesheninde shoýdaýnnan jarys ótti. Is-sharanyń bastamashylary Nazarbaev Zııatkerlik mektebiniń oqýshylary men IT-services & Education qoǵamdyq jastar birlestigi, dep habarlaıdy Egemen.kz.
«Kózińdi qorǵa» - bul aksııanyń negizgi ıdeıasy. Qazirgi ýaqytta adamdarǵa óz ómirin gadjettersiz elestetý qıyn. Smartfondar, planshetter, kompıýterler bizdiń ómirimizge myqtap enip, naǵyz kómekshi boldy. Biraq biz, zamanaýı tehnologııalar paıdamen qatar densaýlyqqa, ásirese balalar men jasóspirimderdiń densaýlyǵyna zııan tıgizetinin este ustaýymyz kerek.
Bul kúni tennıs ústelinde zaǵıp oıynshylar ǵana emes, NIS oqýshylary da kezdesti. Olardyń qarýy kózderi emes, qulaqtary edi. Erejeler kádimgi tennıstegideı. Biraq jabdyq basqasha: dop qulap ketpes úshin búıirleri bar ústel, al raketkalar dóńgelek emes, tórtburyshty.
- Bıylǵy oqý jylynda Taldyqorǵandaǵy NIS pen IT-services & Education arasynda yntymaqtastyq týraly memorandýmǵa qol qoıyldy. Mektepte «Jaryq» atty áleýmettik jobasy quryldy. Bul joba boıynsha bizdiń oqýshylar qazaq, orys jáne aǵylshyn tilderinde Braıl qarpin úırenýge arnalǵan qurylǵy jasaýda, sonymen qatar birneshe aýdıo kitap jazý ústinde. Yntymaqtastyq aıasynda bul joly shoýdaýn týrnır arqyly «Kózińdi qorǵa» aksııasyn ótkizdik, - deıdi 12 synyp oqýshysy Aıgúl Maketaeva.
- Mundaı ústel tennısin birinshi ret oınadym. Sol sebepten bárin erejege saı jasaý qıynǵa soqty. Kózildirikti kıgen kezde, aınala tym qarańǵy... Biraq siz olardy sheship, qaıtadan kórýge bolatynyn túsinesiz, al kórý qabileti buzylǵan adamdar muny isteı almaıdy. Qolda barymyzdy baǵalaýymyz kerek, - dedi óz áserin bólisken 10 synyp oqýshysy Ádil Aqjoluly.